Osiyo Kubogi. Milliy terma jamoamiz Melburnda mashg'ulot o'tkazdi

Odatga ko'ra terma jamoamiz bugun o'zining navbatdagi mashg'ulotini "SS Anderson Oval"da o'tkazdi. Bir soatcha davom etgan mashg'ulotda Xitoy bilan o'yinda asosiy tarkibda maydonga tushgan futbolchilardan hech kim qatnashmadi. Bilasiz, kechagi o'yinda bosh jamoamiz 1:0 hisobida oldinda borayotib, keyinchalik 1:2 hisobida yutqazib qo'ydi. Bundan esa muxlislarning tabi xira bo'lgani aniq. Endi bo'lsa bor umid Saudliya Arabistonga qrashi kechadigan haql qiluvchi o'yindan.

Bosh murabbiy Mirjalol Qosimov bugungi mashg'ulotni kecha asosiy tarkibda maydonga tushmagan futbolchilar bilan olib bordi. Bunda kechagi uchrashuvda zaxiradan tushgan uch nafar futbolchi - Islom To'xtaxo'jaev, Sardor Rashidov va Jasur Hasanov ham ishtirok etishdi. Asosiy tarkib o'yinchilari esa tiklanish mashqlarini bajarishdi va ular bilan SHuhrat Maqsudov qoldi.

Ikki darvozabon - Eldor Suyunov bilan Akbar To'raevni odatdagidek Pyotr Gizimchuk shug'ullantirdi. Yigitlarning kayfiyatini judayam tushkun deb bo'lmaydi. Hamma Saudiya Arabistoni bilan bo'ladigan "hayot-mamot jangi"ga astoydil tayyorgarlik ko'rmoqda. Bugun ertalab biz Brisbendan yo'lga chiqib, tushdan so'ng Melburnga kelib qo'ndik va "Pullman" mehmonxonasiga joylashdik. Biz joylashgan mehmonxonadan stadiongacha yo'l unchalik uzoq emas: nari borsa 4 km. masofada ekan. Ertaga stadionga borib, u erdagi sharoitlar bilan tanishib chiqamiz.

Murod Rizaev, "SA" uchun maxsus.