Қуйида "B" гуруҳидаги жамоаларни бошқараётган мураббийлар ҳақида қисқача маълумот келтириб ўтамиз.
"B" гуруҳи - Австралия, Сурия, Фаластин, Иордания.
Грехэм Арнольд (Австралия бош мураббийи)
Туғилган санаси: 3 август, 1963 й.
Австралия терма жамоаси яна маҳаллий мутахассисга ишониб топширилди. Бу сафар жамоани қитъа чемпионатига Грехэм Арнольд олиб боради. 55 ёшли мураббий терма жамоани ЖЧ-2018дан кейин қабул қилиб олди.
Бернд Штанге (Сурия бош мураббийи)
Туғилган санаси: 14 март, 1948 й.
Германиялик мураббий Бернд Штанге Сурия терма жамоаси устози ҳисобланади. 70 ёшли мутахассис Осиё футболини ниҳоятда яхши билади. У сурияликлар билан кўп нарсага эришиши мумкин.
Нуриддин Оулд Али (Фаластин бош мураббийи)
Туғилган санаси: 23 июнь, 1972 й.
Фаластин терма жамоаси устози 46 ёшли Нуриддин Оулд Али. Жазоирлик мураббий шу йилнинг март ойидан бери терма жамоани бошқариб келмоқда.
Витал Боркелманс (Иордания бош мураббийи)
Туғилган санаси: 1 июнь, 1963 й.
Иордания терма жамоасининг янги мураббийи бельгиялик мутахассис Витал Боркелманс. 55 ёшли мураббий шу йил сентябрда жамоани қабул қилиб олди. У 2012-2016 йиллар оралиғида Бельгия терма жамоасида ёрдамчи мураббий бўлиб ишлаган.
