Osiyo kubogi-2019. Qura tashlandi: Raqiblarimiz Yaponiya, Ummon va Turkmaniston

OFK tarixida birinchi marta Osiyo Kubogida 24ta jamoa ishtirok etadi. OFK butun Osiyo bo'ylab muxlislar qiziqishini oshirish maqsadida ishtirokchi davlatlar sonini 16tadan 24taga etkazdi. Jamoalar 6tadan to'rtta savatchaga bo'lingan:

1-savatcha
BAA
Eron
Avstraliya
Yaponiya
Janubiy Koreya
Saudiya Arabistoni

2-savatcha
Xitoy
Suriya
O'zbekiston
Iroq
Qatar
Tailand

3-savatcha
Qirg'iziston
Livan
Falastin
Ummon
Hindiston
Vetnam

4-savatcha
KXDR
Filippin
Bahrayn
Iordaniya
Yaman
Turkmaniston

Tadbir Toshkent vaqti 20:30da start oladi.

Ayni paytda Dubayda bo'lib turgan Umid Ahmadjonov saytimizga eksklyuziv intervyu berdi. Umid Ahmadjonov: "Guruhimizga kuchli raqiblar tushishini xohlayman" 

Bugungi qura tashlash marosimida ishtirok etuvchi o'zbekistonlik Server Jeparov intervyu bermoqda

Dastlab BAA madaniyatini ko'rsatuvchi raqs namoyish etildi. Ayni paytda Osiyo Kubogi-2019 tashkiliy qo'mita rahbari nutq so'zlamoqda. 

Endi OFK prezidenti SHayx Salmon Bin Ibrohim Al Halifa yig'ilganlarga murojaat qilmoqda. Ilk bor Osiyo Kubogida 24ta jamoa ishtirok etishi yana bir bor takrorlab o'tildi. Ilk bor qita chempionati BAAda bo'lib o'tadi. Barcha tashkilotchilarga minnatdorchilik bildirildi.

Osiyo Kubogi-2019da yarim finalda mag'lub bo'lgan jamoalar 1 million, finalda yutqazgan jamoa 3 million va chempion jamoaga 5 million AQSH dollari mukofot puli topshiriladi.

2019 yilgi Osiyo Kubogi g'olib bo'lgan jamoaga mutlaqo yangi kubok topshiriladi. Londonda tayyorlangan kubokni BAA terma jamoasi sobiq yulduzi, 1996 yilgi Osiyo Kubogi to'purari Zubayr Bahit qura tashlanayotgan zalga olib keldi. 

Osiyo Kubogi-2019ning rasmiy to'pi "Molten" deb nomlanadi.

Musobaqa maskotlari rasmiy to'p bilan birga

Server Jeparov O'zbekistonning guruhiga kim tushishi mumkinligi haqidagi savolga shunday javob berdi: 1-savatchadan Yaponiya tushsa kerak.

DIQQAT QUR'A TASHLASH BOSHLANDI!

A guruhi - BAA, Tailand, Hindiston, Bahrayn

B guruhi - Avstraliya, Suriya, Falastin, Iordaniya

C guruhi - Janubiy Koreya, Xitoy, Qirg'iziston, Filippin

D guruhi - Eron, Iroq, Vetnam, Yaman 

E guruhi - Saudiya Arabistoni, Qatar, Livan, KXDR 

F guruhi - Yaponiya, O'ZBEKISTON, Ummon, Turkmaniston