Osiyo Kubogi-2019. Qatarlik hujumchi yana bitta gol ursa Ali Dayiga tenglashib oladi

Guruhdagi uchala o'yinni g'alaba bilan yakunlagan Qatar terma jamoasi nimchorak finalda Iroqqa qarshi bahs olib boradi. Malumki, guruh o'yinlarida Qatar termasi safida Almuz Ali o'zini ko'rsata oldi.  Yosh hujumchi guruh bosqichining o'zidayoq 7ta gol urishga muvaffaq bo'ldi. Hozirda bu futbolchi haqida ko'pchilik iliq fikrlarni bildirmoqda.

"Al Duhayl" klubining 22 yoshli hujumchisi agar yana bitta gol ursa Osiyo Kuboklari tarixidagi eng yaxshi to'purar Ali Dayiga etib oladi. Negaki Dayining hisobida 8ta gol bor. Eronlik sobiq to'purar 1996 yilgi Osiyo Kubogida 8 bor raqiblar darvozasini ishg'ol qilgan. Hozircha qatarlik futbolchi o'tmishdagi Behtash Fariba va CHoy Sun Xo kabi futbolchilar bilan bir xil ko'rsatkich qayd etdi.

Malumot uchun, Almuz Ali 1996 yilning 19 avgustida tug'ilgan. U Qatar terma jamoasida ilk uchrashuvini 2016 yilning 8 avgust kuni Iroqqa qarshi o'tkazgan.

Osiyo Kubogi to'purarlari

Ali Dayi (Eron) - 8ta gol, 1996 yil.
Behtash Fariba (Eron) - 7ta gol, 1980.
CHoy Sun Xo (J.Koreya) - 7ta gol, 1980.
Almuz Ali (Qatar) - 7ta gol, 2019.