Osiyo Kubogi-2019. "A" guruhi murabbiylari
26 noy 2018 21:02
Yangiliklar

Osiyo Kubogi-2019. "A" guruhi murabbiylari

Teglar : Bosh murabbiylar Osiyo kubogi-2019

BAAda bo'lib o'tadigan navbatdagi Osiyo Kubogiga 40 kun qoldi.

Ushbu musobaqa murabbiylar uchun ham katta ahamiyatga ega bo'ladi. Quyida "A" guruhi jamoalarini boshqarayotgan murabbiylar haqida qisqacha malumot berib o'tamiz.

"A" guruhi - BAA, Tailand, Hindiston, Bahrayn.

Alberto Zakkeroni (BAA bosh murabbiyi)
Tug'ilgan sanasi: 1 aprel, 1953 y.

BAA terma jamoasini 65 yoshli Alberto Zakkeroni boshqarmoqda. Ushbu murabbiy qo'l ostida Yaponiya terma jamoasi 2011 yilgi Osiyo Kubogida zafar quchgan. Endilikda Zakkeroni BAA bilan ham shunday natijani takrorlashga urinib ko'radi.

Milovan Rayevac (Tailand bosh murabbiyi)
Tug'ilgan sanasi: 2 yanvar, 1954 y.

64 yoshli serbiyalik mutaxassis 2017 yilning aprel oyidan beri Tailand terma jamoasini boshqarib kelyapti. Bu yil ushbu murabbiy jamoani AFF (ASEAN futbol federaciyalari) chempionatida yarim finalga olib chiqdi.

Stefen Konstantin (Hindiston bosh murabbiyi)
Tug'ilgan sanasi: 16 oktyabr, 1962 y.

Hindiston terma jamoasini qita birinchiligiga angliyalik mutaxassis tayyorlamoqda. 56 yoshli Konstantin 2002-2005 yillar oralig'ida ham hindlarni boshqargan.

Miroslav Soukop (Bahrayn bosh murabbiyi)
Tug'ilgan sanasi: 13 noyabr, 1965 y.

CHexiyalik Miroslav Soukop hozirda Bahrayn terma jamoasi ustozi hisoblanadi. U 2016 yilning iyun oyida jamoani qabul qilib olgandi. Bungacha esa Yaman terma jamoasiga ustozlik qilgan.