Osiyo futboli haqida bilishimiz kerak bo'lgan malumotlar
02 iyu 2020 13:29
Yangiliklar
Osiyo futboli haqida bilishimiz kerak bo'lgan malumotlar
Savol: CHa Bum Kun 1998 yilga qadar Bundesligada eng ko'p gol urgan legioner bo'lib kelayotgandi. Uning rekordini kim yangilagan?
Javob: Stefan CHapuisat. Ushbu futbolchi Bundesligada 308 uchrashuv o'tkazib, 98ta gol urgan. U faoliyati davomida "Darmshtadt", "Ayntraxt" va "Bayer" klublarida to'p tepgan. Hozirda mazkur rekord Robert Levandovskiga tegishli.
Savol: Xitoy Superligasining 2019 yilgi mavsumida eng ko'p muxlis tashrif buyurgan stadion qaysi?
Javob: Bu "Beyjing" FK uy uchrashuvlarini o'tkazadigan "Uorkers" stadioni. O'rtacha har o'yinga 66,661 muxlis tashrif buyurdi.
Savol: OCHLda bitta o'yinda eng ko'p gol urgan futbolchi kim?
Javob: Magno Alves. Braziliyalik hujumchi "Gamba Osaka" tarkibida Vetnamning "Da Nang" klubiga bir o'yinda 5ta gol urishning uddasidan chiqqan.
Savol: 2018 yil ayollar o'rtasidagi Osiyo Kubogida kim to'purar bo'lgan?
Javob: Li Ying. Xitoylik hujumchi 7ta gol bilan musobaqa to'purari bo'lgandi.
Savol: Beshta Osiyo Kubogida ishtirok etgan yagona futbolchi kim?
Javob: Ignatiy Nesterov. Nesterov 2004 - 2019 yillar oralig'ida o'tkazilgan barcha beshta musobaqada ishtirok etib, bu borada o'ziga xos rekordchi hisoblanadi. To'rt martadan qatnashganlar: Yasuxito Endo (Yaponiya), Jeng Ji (Xitoy) va Masud SHojayi (Eron).
Savol: Janubiy Koreya K-ligasiga qachon asos solingan?
Javob: 1983 yilda. Malumot uchun Yaponiya J-ligasi 1992 yilda, Xitoy Superligasi esa 2004 yildan yo'lga qo'yilgan.
Savol: Ham OFK Kubogi, ham OCHL finalida o'ynab mag'lubiyatga uchragan jamoa qaysi?
Javob: Bu Suriyaning "Al Karama" klubi. "Al Karama" 2006 yil OCHL finaliga chiqib, "CHonbuk Xyunday Motors"ga imkoniyatni boy bergan. 2009 yilgi OFK Kubogi finalida esa "Quvayt SK"dan mag'lub bo'lgan.
Fikrlar