Мавсум бошидан бери маош олмаган оролликлар бугун Мансур Абдуллаев бошчилигида Қувасойга 11 нафар футболчи билан ташриф буюради.
Жамоа делегациясида на захира футболчиси, на мураббий йўқ. Шифокор ҳақида айтмасак ҳам бўлаверади. 3та енгил машинага 4 нафардан киши биринчи лига ўйинини ўтказиш учун кеча водийга йўл олган.
Жамоанинг мураббийи ва етакчи футболчилари бугунги ўйинда иштирок этмайдилар. "Орол"даги бу муаммога йиллар давомида гувоҳ бўляпмиз. Аммо Неъматулло Қуттибоев бошқарувидаги клуб маҳаллий мухлислар учун бир амаллаб мавсумдан - мавсумга етиб боряптилар.
Эслатиб ўтамиз, бугун "Орол" Қувасойда "Цементчи" меҳмони бўлади.
