“Oq-tepa” Olmaliqqa muxlislari bilan boradi!

Mazkur o'yin oliy liga yo'llanmasini taqdim qilishi bois, uchrashuvga bo'lgan etibor juda yuqori. Xususan, o'yin “Sport” telekanalida to'g'ridan-to'g'ri efirda olib ko'rsatilishi rejalashtirilayotgani ham so'zimizga isbot bo'la oladi. 

“Oq-tepa” yil boshida o'z oldiga jiddiy maqsad qo'ydi. Ammo so'nggi turlardagi omadsizliklar sabab oliy liga yo'llanmasi taqdiri o'tish o'yiniga qolib ketdi. Endi barcha masalaga Olmaliqdagi o'yinda oydinlik kiritiladi. O'tish o'yinining bahosidan kelib chiqqan holda klub rahbariyati Olmaliqdagi uchrashuvda futbolchilarimizga dalda bo'lib turishlari uchun jamoamizning sodiq muxlislariga ikkita avtobus ajratdi. “Oq-tepa”ning bir necha yillik sodiq ishqibozlari o'tish o'yinida futbolchilarimizni yolg'izlatib qo'ymaydi. O'ylaymizki, futbolchilarimiz ham bunga munosib tarzda javob qaytarishadi.