"Oq-tepa": Nigeriyaliklarga qarshi o'yinda durang

Raqib Nigeriya milliy chempionatining 1-ligasida ishtirok etadigan “Mark Starz” klubi bo'ldi. Aytib o'tish lozim, mazkur nom ostida Gruziya chempionatida ham bir jamoa qatnashadi.

Bosh murabbiy Aleksandr Tokov mazkur uchrashuvda asosan ko'rikdan o'tayotgan futbolchilarni sinovdan o'tkazdi. SHu bois, bellashuvda murabbiylar shtabi uchun natija emas, o'yinchilarning holatini ko'zdan kechirish birinchi o'ringa chiqdi. Aksincha, futbolchilar o'zlarini ko'rsatish uchun bor imkoniyatlarini ishga solishdi. Hisob 26-daqiqada jamoamiz tomonidan ochildi. Xurshid Yo'ldoshev jarima maydoniga kirar-kirmay, ajoyib zarbasi bilan darvozabonni ojiz qoldirdi. Ammo hisob birinchi bo'limning o'zidayoq tenglashdi. 42-daqiqada himoyachilarimizning xatosidan keyin negeriyalik futbolchilar o'rtadagi muvozanatni tikladi. Bu hisob o'yin oxiriga qadar o'zgarmadi. Murabbiylar uchrashuv so'nggiga qadar tarkibni to'laligicha yangiladi. Ushbu o'zgarishlar ham o'yinning tempiga o'z tasirini o'tkazmay qolmadi.

Nazorat uchrashuvi
“OQ-TEPA” – “MARK STARZ” (Nigeriya) – 1:1 (1:1)
18 yanvar. Toshkent. “Oq-tepa” stadioni.
Bosh hakam: Olim Tolibjonov.
Qanot hakamlari: Andrey Snetkov, Andrey Capenko.
“Oq-tepa”: Viktor Mochalov, Jasur Yo'ldoshev, Aziz Talxatov, Asiljon Mansurov, Nodir Teshaboev, Xurshid Yo'ldoshev, Abbos Abdullaev, Ilhom Rajabov, Sarvar Ismoilov, Aleksey Loktionov, Islom Abdukarimov.
Zaxiradan tushganlar: SHohruh Pirnazarov, Islom Yo'ldoshev, Abdumavlon Tursunov, Murod Axatov.
Gol: Xurshid Yo'ldoshev.