Omadi chopmayotgan "Malorka" "Benito Vilyamarin" stadionida gol ura oladimi?

O'zaro o'yinlar tarixi

"Betis" va "Malorka" to'qnashuvi tarixida 65 uchrashuv o'tkazilgan. Ularning 25 tasida "Betis" zafar quchgan bo'lsa, 29 marta "Malorka"ning qo'li baland kelgan, yana 11 o'yinda g'olib nomi aniqlanmagan.

"Betis"

"Betis" 24-turdan keyin 29 ochko bilan La Liga jadvalining 13-pog'onasini egallab turibdi va xavfli zonadan sakkiz ochkoga uzoqlashib olgan.

Hozirda mezbonlar barcha musobaqalarni inobatga olsak, 5 o'yinlik g'alabasiz seriyani qayd etishmoqda. Etiborlisi, ushbu bellashuvlarning 4tasi chempionat doirasida o'tkazilgan.

Sevilya jamoasi safarda "Eybar" bilan 1:1 va "Leganes" bilan 0:0 (o'tgan turda), hamda o'z uyida "Barselona"ga (2:3) va safarda "Xetafe"ga (0:1) mag'lub bo'ldi.

"Benito Vilyamarin" stadionida bu mavsum "Betis" 12 o'yin o'tkazdi va ularning yarmida zafar quchdi, ikki bor murosa ko'chasini tanlagan bo'lsa, yana to'rtta o'yinda imkoniyat boy berildi. To'plar nisbati — 22:17.

"Malorka"

"Malorka" hozirda bor yo'g'i 21 ochko bilan 18-o'rinda bormoqda. 17-pog'onadagi "Selta" faqatgina qo'shimcha ko'rsatkichlar hisobiga teparoq joylashgan.

O'z maydonida o'tgan avvalgi tur bellashuvida jamoa "Alaves"ni (1:0) engdi. Aynan o'sha kuni jamoa 4 o'yinlik omadsiz seriyasiga barham berdi, ularning 3tasi Primera doirasida o'tgan.

Bu o'yinlarda safarda "Real Sosedad"ga imkoniyat boy berildi (0:3), keyin "Valyadolid" bilan o'z maydonida omadsizlik (0:1), yana bir bellashuvda klub xuddi shu hisobda safarda "Espanol"ga yutqazdi.

Safarda La Liganing bu mavsumida "qizil-qoralar" o'ta omadsiz o'ynashmoqda. 10 ta mag'lubiyat va atigi 1 ta durang. To'plar nisbati — 7:26.

Birinchi davradagi o'yinda "Betis" safarda "Malorka"ni enggan — 2:1.

O'yin oldidan qiziqarli faktlar

• Jamoalarning avvalgi 3 ta o'yini faqatgina "Betis"ning g'alabasi bilan yakunlangan.
• "Malorka" Primera doirasidagi oxirgi 3 o'yindan buyon safarda gol ura olmayapti.

Xo'sh, bu safar ushbu bellashuv ispan futboli muxlislariga nimalarni taqdim etadi?

Real Betis Sergio Canales - 19', Nabil Fekir - 35', Joaquin - 48'

LaLiga . 25-tur 22/02/2020, 00:00 3 : 3 Tugadi

Mallorca Juan Hernandez - 16', Ante Budimir - 27', Takefusa Kubo - 70'

Stadion: Estadio Benito Villamarin, 46372 tomoshabin

Bosh hakam: Jesus Gil

45'

90'

19'  Sergio Canales

35'  Nabil Fekir

48'  Joaquin

48'  Sergio Canales

68'  Marc Bartra

73'  William Carvalho (Carles Alena)

78'  Joaquin (Cristian Tello)

87'  Andres Guardado (Raul Garcia)

90'  Carles Alena

16'  Juan Hernandez

27'  Ante Budimir

27'  Takefusa Kubo

31'  Leonardo Koutris (Fran Gamez)

58'  Fran Gamez

68'  Iddrisu Baba (Junior Lago)

70'  Takefusa Kubo

70'  Ante Budimir

82'  Alejandro Pozo (Aleksandar Sedlar)

Match-senterda ochish

Omonjon To'xtamirzaev tayyorladi