"Olmaliq"ning 2017 yilgi mavsum ko'rsatkichlari

Kichik yubiley mavsumda "Olmaliq" tarkibida katta o'zgarishlar kuzatildi. Dastlab, 9 yil mobaynida jamoani boshqargan Igor SHkvirin jamoa bilan xayrlashdi. Uning o'rniga o'zbek futboliga begona bo'lmagan rossiyalik mutaxassis Viktor Kumikov taklif etildi. Yangi murabbiylar shtabi tarkibi shakllantirildi va jamoa tayyorgarlikka kirishdi.
Yanvar va fevral oylarida "Olmaliq" Turkiyaning Antaliya shahrida o'quv-mashg'ulot yig'inlarini o'tkazdi. Futbolchilar tarkibi ham tubdan o'zgarib ketdi. Dastlabki turda Buxoroda kichik hisobda mag'lubiyatga uchragan jamoamiz beshinchi turga qadar o'z hisobiga g'alaba yozib qo'ya olmadi. Bu esa jamoa atrofida turli gap-so'zlarni keltirib chiqardi. Ammo jamoa azolari birdamlikda bu muvaffaqiyatsizlikdan chiqib keta olishdi. Beshinchi turda o'z maydonida "Nasaf" mag'lub etilgach, jamoa ketma-ket 12 o'yinda mag'lubiyatsiz seriya qayd etdi. Bu ko'rsatkichlar orqali birinchi davra 4-o'rinda yakunlandi.

Ikkinchi davra oldidan jamoa Belorussiya poytaxti Minsk shahrida o'quv-mashg'ulotlarida ishtirok etib qaytdi. Afsuski, natijalar bu davrada kutilganidek boshlanmadi. Bunga jamoa futbolchilarining aksariyatida jarohat borligini ham sabab qilish mumkin. SHunday bo'lsada, mavsum yakunida jamoa o'ziga kela boshladi va mavsumni 44 ochko to'plagan holda 7-o'rinda yakunladi.

Jamoaning bu natijasiga mavsum davomida maydonga tushgan 27 futbolchi o'z hissasini qo'shdi. O'tkazilgan 30 uchrashuvda "Olmaliq" azolari raqib darvozasini 31 marta ishg'ol etdi. O'z hisobiga 6 gol yozib qo'ygan belorussiyalik legioner Vladislav Kasminin jamoa to'purari bo'ldi. Serbiyalik Igor Yelich 5 gol bilan ikkinchi bo'ldi. Umumiy hisobda bu mavsumda "Olmaliq" darvozasini 4 posbon qo'riqladi. 30 o'yinda raqiblar 32ta gol urishga muvaffaq bo'lishdi.

Jamoa azolariga 2 marta qizil kartochka ko'rsatildi va 58 marta futbolchilar sariq kartochkaga loyiq ko'rilishdi.

Jamoa futbolchilarining umumiy statistikasi quyidagicha: