"Olmaliq": Mashg'ulotlar yana davom etadi

Kunning ikkinchi yarmida o'tgan mashg'ulotlarda 24 nafar futbolchi ishtirok etdi. SHundan 13 nafari jamoaning o'tgan yilgi azolari bo'lsa, qolgan 11 nafari "Olmaliq"qa taklif etilgan futbolchilardir.

O'tgan mavsum jamoada to'p surgan futbolchilar Umidjon Xonimqulov, Akmal Ortiqov, Nikita SHkvirin, SHohrux Eshbo'taev, Sarvar Jo'raev, Azamat Isroilov, Abduqahhor Hojiakbarov, Dilyaver Abibullaev, Zohir Pirimov, Nikita Pavlenko, Diyor Turopov, Zafar Polvonov va Islom Isoqjonovlar bo'lsa, taklif etilganlar darvozabon Timur G'aniev (Andijon), himoyachi Akmal Bozorov (Dinamo), yarim himoyachilar Muhammad Isaev, Elbek Ochilov, G'ulom O'runov (Dinamo), Sanat SHixov (Dinamo), Jahongir Abdumo'minov (Mashal), hujumchilar Abdulatif Abduqodirov (Andijon), Berumi Abdunabiev (Oq-tepa), Maruf Tillaev (Qizilqum) va Doniyor Ismoilov (Zomin)lardir. Bazi sabablarga ko'ra Abdumalik Toshpo'latov, Qadamboy Nurmetov, Salamat Quttiboevlar kechagi mashg'ulotlarda ishtirok eta olishmadi.

Bugundan ular ham jamoa safida bo'lishdi. SHuningdek, yana bir necha tajribali futbolchi ertaga jamoa tarkibiga qo'shilishi kutilmoqda. Jamoani yosh hujumchi SHarif Mirzaev tark etdi. U o'z imkoniyatini boshqa jamoada sinab ko'rishni xohladi. Bunga jamoa rahbariyati monelik qilmadi.

Birinchi yig'inda qatnashgan bazi futbolchilar yoshlar jamoasi mashg'ulotlariga o'tkazildi. Yoshlar jamoasi mashg'ulotlarida 30dan oshiq futbolchi mashg'ulotlarga kirishdi. Yosh futbolchilar tanlovi bir necha bosqichda olib boriladi. Nazorat o'yinlari orqali ajratib olingan eng yaxshi futbolchilar yakuniy ro'yxatdan o'rin oladi.