Oliy liga-2018 yakunlari. Legionerlar haqida

Ushbu maqolamizda yakuniga etgan XXVII milliy birinchiligimizda o'ynagan barcha xorijlik futbolchilarning natijalari bilan tanishtiramiz.

Bu yil klublarimiz safida jami 44 nafar (birinchi davrada 34, ikkinchi davrada 10 nafar) legioner ro'yxatdan o'tkazildi.

11 nafar legioner mavsum so'nggiga qadar klublarimizda qolishmadi. Yilni "Neftchi" safida boshlagan darvozabon Vitaliy Mirniy va hujumchi Vyacheslav Sushkin yozda yurtimizni tark etishdi. Deyarli xuddi shunday vaziyat "Lokomotiv"da ham kuzatildi. Koreyalik CHo Suk Jae va braziliyalik Nivaldo yarim mavsumdan so'ng yurtimizni tark etishdi. Yozda "Buxoro"dan ham ikki nafar xorijlik futbolchi ketdi - Sergey Rusecki va Marko Klisura.

Moliyaviy qiyinchilik girdobiga tushib qolgan "Nasaf"ni yozda barcha legionerlar tark etishdi. Ulardan ikki nafari Superligamizdagi boshqa klublarga o'tishgan bo'lsa, ikki nafari Slavko Lukich va Jahongir Aliev o'z yurtlariga ketishdi.

"Qo'qon-1912"ning serbiyalik hujumchisi Milan Spremo yarim yil O'zbekistonda o'ynadi xolos. "Paxtakor"ga o'tgan yil yozda kelgan Rostin Griffits bu mavsum yarmiga ham etmay turib o'z uyiga ketib qoldi. "Navbahor" hujumchisi Nenad Inyac ham yozda yurtimizni tark etdi.

Yuqorida takidlanganidek 10 futbolchi ikkinchi davrada ro'yxatdan o'tkazildi. Yozgi transfer bozorida "So'g'diyona" ayniqsa faol bo'ldi. Birinchi davrada bironta legioner ro'yxatdan o'tkazmagan Jizzax klubi yozda birdaniga 5 nafar legioner bilan shartnoma tuzdi. Ular serbiyalik Nikola Milinkovich, Milash Simonovich, Milan Mitrovich, litvalik Darvidas Sernas va koreyalik Kim Dong Xi bo'ldi.

"Lokomotiv" yozda Rossiya terma jamoasi sobiq hujumchisi Pavel Pogrebnyakning ukasi Nikolayni o'z tarkibiga qo'shib oldi. Yana bir rossiyalik futbolchi Vlad Larinov yozda "Buxoro" tarkbiga qo'shildi.

"Metallurg" transferlar oynasi vaqtida tojikistonlik Zoir Jo'raboevni ro'yxatdan o'tkazdi. Inyac jamoani tark etgach, "Navbahor"ga boshqa bir serbiyalik hujumchi Darko Nikach keldi.

2011 yil "Bunyodkor" safida o'ynab, O'zbekiston chempionati to'purari bo'lgan Milosh Trifunovich bu yil yozda AGMKga o'tdi. Biroq uning yurtimizga bu safargi tashrifi u qadar omadli chiqqani yo'q.

Uch legioner bu yil oliy liganing ikkita klubi sharafini himoya qildi. Igor Golban mavsumni Qarshining "Nasaf" klubida boshladi va yozda Namanganning "Navbahor" klubiga ko'chib o'tdi. Dragan CHeran ham yozda "Nasaf"ni tark etdi va ikkinchi davrada "Paxtakor"da o'ynadi. 2018 yilni AGMK safida boshlagan Vadim CHemirtan yozgi transfer oynasi vaqtida "Buxoro"ga o'tdi.
23 legioner futbolchi mavsum oxirigacha bitta klubda to'p tepdi.

Bu yil Serbiyadan kelgan 20 futbolchi bu yil Superligamiz klublarida maydonga tushdi. Bu eng yuqori ko'rsatkich hisoblanadi. Rossiya mamlakatidan besh nafar legionar 2018 yil Superligada o'ynadi. Eng ko'p legioner AGMK safida to'p tepdi. O'zbekiston Kubogi sohibiga aylangan jamoa tarkibida 2018 yilda jami 6 nafar xorijlik futbolchi maydonga tushdi.

Ushbu mavsumda eng ...

ko'p gol urgan - Tiago Bezerra 17ta gol
ko'p maydonga tushgan - Yovan Jokich, Vladimir Bubanya, Ismoil Gonsalvesh - 31tadan o'yin
kam maydonga tushgan - Pogrebnyak Nikolay, CHo Suk Jae, Sushkin Vyacheslav - 2tadan o'yin
ko'p sariq kartochka olgan - Vladimir Bubanya, Marko Simich - 8tadan
ko'p qizil kartochka olgan - CHeremisin Evgeniy, Kasminin Vladislav, Matyash Pavel, Nivaldo - 1tadan
faxriy legioner - Nemanya Yovanovich 34 yosh
yosh legioner - Zoir Jo'raboev 20 yosh

Superliga-2018dagi legionerlarning mamlakatlari

Superliga-2018. Legionerlar statistikasi

* - birinchi davradan so'ng klubni tark etgan futbolchilar
** - ikkinchi davrada ro'yxatdan o'tkazilgan futbolchilar

Narzulla Saydullaev tayyorladi