Oliy liga-2015. Eng ko'p muxlis "Buxoro"da
22 noy 2015 15:14
Yangiliklar
![](https://championat.asia/upload/storage/189304_original.jpg)
![](/upload/storage/189304_220.jpg)
Oliy liga-2015. Eng ko'p muxlis "Buxoro"da
Bu mavsumda o'tkazilgan 240ta o'yinni ko'rish uchun stadionlarga jami 1260022 nafar tomoshabin tashrif buyurdi. Bu har bir o'yinga o'rtacha 5250 nafar tomoshabin keldi deganidir.
Eng ko'p muxlis "Buxoro" ishtirokidagi o'yinlarga tashrif buyurgan. Ushbu klubning 30ta o'yiniga jami 226979 nafar tomoshabin keldi. "Buxoro"ning har bir uchrashuviga o'rtacha 7566 tomoshabin to'g'ri keldi.
Keyingi o'rinlarni "Neftchi" (jami - 208999 tomoshabin) va "Qizilqum" (jami - 190597 tomoshabin) band etishdi. Eng kam tomoshabin esa "Metallurg" ishtirokidagi o'yinlarga keldi - 81355 tomoshabin.
O'z maydonidagi o'yinlarda ham "Buxoro"ning muxlislar eng ko'p - 154714. Bu boradagi eng past ko'rsatkich "Lokomotiv"ga tegishli bo'ldi - 22474. Safarda "Nasaf" ishtirokidagi bahslarga eng ko'p 100559 nafar tomoshabin keldi. "Metallurg"ning safar o'yinlariga eng kam 56143 muxlis keldi.
"Neftchi" - "Nasaf" uchrashuvi tomoshabinlar tashrifi bo'yicha rekord qayd etdi. Farg'onada o'tgan ushbu o'yinga 17143 nafar tomoshabin keldi. Undan keyingi o'rinlarni "Navbahor" maydonida o'tgan ikki bahs egalladi: "Navbahor" - "Mashal" (15815) va "Navbahor" - "Neftchi" (15715). "Bunyodkor" - "Metallurg" uchrashuviga atiga 424 tomoshabin keldi. Bu 2015 yilgi mavsum antirekordi sifatida tarixda qoldi.
O’xshash yangiliklar
![AMP Logo](https://championat.asia/image/logo-amp.png)
Fikrlar