Oliy liga. 19-tur ramziy terma jamoasi
24 avg 2015 11:24
Yangiliklar
![](https://championat.asia/upload/storage/180396_original.jpg)
![](/upload/storage/180396_220.jpg)
Oliy liga. 19-tur ramziy terma jamoasi
Darvozani "Mashal" posboni Sanjar Quvvatovga topshirdik. Muborak klubi posboni Olmaliqdagi o'yinda ajoyib o'ynadi. Raqibning bir qator zarbalaridan so'ng to'pni qaytardi. Uning seyvlari ajoyib chiqdi.
Darvozabon:
Sanjar Quvvatov "Mashal"
Himoyada "Buxoro" vakili Maksmilian Fominga joy berdik. "Dinamo"dan
Buxoro shahri klubiga o'tgan yosh himoyachi "Nasaf" bilan bahsda raqibning
barcha hujumlarini qaytarishga faol o'ynadi. "So'g'diyona" yozda o'z safiga
qo'shib olgan Aleksandr Kleckov balki jismoniy holati yuqori bo'lmas ammo
"Navbahor"ga qarshi o'yinda tajribali himoyachi yaxshi o'ynadi. Uning
harakatlari tufayli ham Jizzax klubi o'z maydonida g'alabaga erishdi.
"Lokomotiv"ning legioner himoyachisi Nemanya Yanichich Toshkent derbisida
sifatli o'ynadi. U havodagi kurashlarni deyarli boy bermadi, Yanichich SHodiev
va Satoga gol urish uchun imkon bermadi. "Dinamo" himoyachisi Avaz Agaliev
"SHo'rtan" bilan o'yinda ikkita golli pas oshirdi.
Himoyachilar:
Maksimilian Fomin "Buxoro"
Aleksandr Kleckov "So'g'diyona"
Nemanya Yanichich "Lokomotiv"
Avaz Agaliev "Dinamo"
Yarim himoyaga "Lokomotiv" vakili Sanjar SHoahmedov kiritildi. Futbolchi Toshkent derbisini hal qilgan golni urdi. Bundan tashqari SHoahmedov maydon markazida raqib futbolchilarga tinchlik bermadi. "Paxtakor" yarim himoyachisi SHerzod Karimov zaxiradan maydonga tushib "Qizilqum" darvozasiga ikkita gol urishga erishdi va ramziy termaga kiritildi. "Olmaliq" vakili SHavkat Salomov garchi jamoasi mag'lub bo'lgan bo'lsa ham juda yaxshi o'ynadi. Uning harakatlari ajoyib chiqdi, biroq unga sherik etishmadi deyish mumkin. Aynan u penalti ishlaganini ham qo'shimcha qilish lozim. Oliy liganing eng tajribali futbolchilaridan biri bo'lgan Akmal Xolmatov hamon ajoyib o'yinlari bilan barchani quvontirmoqda. Xolmatov "Metallurg" bilan o'yinda buni yana bir bor namoyish etdi. Tajribali yarim himoyachining pasidan so'ng Sardor Rahmonov gol urishga erishdi.
Yarim himoyachilar:
Sanjar SHoahmedov "Lokomotiv"
SHerzod Karimov "Paxtakor"
SHavkat Salomov "Olmaliq"
Akmal Xolmatov "Neftchi"
Hujumga vodiy derbisida "Andijon" bilan o'yinda dublga erishgan "Qo'qon-1912" hujumchisi Otabek Haydarovni loyiq deb topdik. Futbolchi ikkinchi davrada o'z jamoasiga qaytib gollar urishda davom etmoqda. Muhimi bu gollar g'alabaga zamin yaratdi. "Mashal" faqat bir bor, 2008 yilda Olmaliqdan 3 ochko bilan qaytgan edi. Bu yil ham Xomyakov shogirdlari "Olmaliq"ni safarda taslim qilib qaytishdi. Bunda Humoyun Murtazoevning xissasi juda katta bo'ldi. Aynan uning dubli Muborak klubiga uzoq kutilgan g'alabani keltirdi.
Hujumchilar:
Otabek Haydarov "Qo'qon-1912"
Humoyun Murtazoev "Mashal"
Tur ramziy terma jamoasiga bosh murabbiy sifatida "Qo'qon-1912" ustozi Rustam Abdullaevni tanlashga qaror qildik. Qo'qonliklar ikki tur davom etgan mag'lubiyatli seriyaga Andijonda barham berishdi. Vodiy derbisidagi muhim g'alaba tufayli Rustam Abdullaev ramziy terma jamoa bosh murabbiyi bo'ldi.
Bosh murabbiy: Rustam Abdullaev "Qo'qon-1912"
O’xshash yangiliklar
![AMP Logo](https://championat.asia/image/logo-amp.png)
Fikrlar