Oliy liga. 18-tur ramziy terma jamoasi
16 avg 2016 09:00
Yangiliklar
![](https://championat.asia/upload/storage/218539_original.jpg)
![](/upload/storage/218539_220.jpg)
Oliy liga. 18-tur ramziy terma jamoasi
Ushbu ramziy terma jamoadan 8ta klub vakillari o'rin olishdi. Darvozaga "Neftchi" posboni O'tkir Yusupov loyiq ko'rildi. U "Lokomotiv" bilan bahsda bir necha marta jamoasini muqarrar gollardan saqlab qoldi.
Himoyada "Qo'qon-1912"ning legioner himoyachisi Nikola Valentich, "So'g'diyona" vakili Murod Xolmuhammedov va "SHo'rtan" himoyachisi Umar Eshmurodov o'rin olishdi.
"Andijon" bilan o'yinda ikkita golli uzatmani amalga oshirgan "Qo'qon-1912" yarim himoyachisi Sobir Hamidov ham ramziy termaga kiritildi. "Neftchi"ning tajribali yarim himoyachisi Mansur Saidov "Loko" darvozasiga chiroyli gol urishga muvaffaq bo'ldi. "SHo'rtan" vakili G'ulom Rahmonovning goli sovrinli o'rinlar uchun kurshayotgan "Metallurg"ni mag'lubiyatga uchratdi. Sardor Rashidovning ukasi Sanjar "So'g'diyona" safida "Navbahor" darvozasini ishg'ol qilib ramziy termadan joy oldi.
Hujumdan ikki legioner o'rin oldi. "Nasaf"ga davralar oralig'ida qo'shilgan Dragan CHeran "Obod"ga qarshi bahsda faol o'ynadi. U ikkinchi bo'limda gol urishdan tashqari golli pas ham oshirdi. "Qizilqum"ning yangi hujumchisi Nemanya Yovanovich navbatdagi bor ramziy terma jamoadan o'rin oldi. Sababi u bu turda "Olmaliq" darvozasiga ikkita gol urdi. Nihoyat ramziy terma jamoamizning so'nggi vakili "Mashal" hujumchisi Kenja To'raev bo'ldi. Hujumchi "Bunyodkor" bilan bahs boshida gol urishga erishdi. Uning goli "qaldirg'ochlar"ni 2 ochkodan mahrum qildi.
Oliy liga. championat.asia talqiniga ko'ra 18-turning ramziy terma jamoasi:
Darvozabon
O'tkir Yusupov "Neftchi"
Himoyachilar
Nikola Valentich "Qo'qon-1912"
Murod Xolmuhammedov "So'g'diyona"
Umar Eshmurodov "SHo'rtan"
Yarim himoyachilar
Sobir Hamidov "Qo'qon-1912"
Mansur Saidov "Neftchi"
G'ulom Rahmonov "SHo'rtan"
Sanjar Rashidov "So'g'diyona"
Hujumchilar
Dragan CHeran "Nasaf"
Nemanya Yovanovich "Qizilqum"
Kenja To'raev "Mashal"
O’xshash yangiliklar
![AMP Logo](https://championat.asia/image/logo-amp.png)
Fikrlar