Olimpiya harakati rahbarlari “Bunyodkor”da FOTO+VIDEO

SHu kunlarda yurtimizda mehmon bo'lib turishgan xalqaro olimpiya qo'mitasi prezidenti Tomas Bax va Osiyo olimpiya kengashi rahbari SHayh Ahmad Al-Fahad Al-Sabah O'zbekiston milliy olimpiya qo'mitasi prezidenti Mirabror Usmonov xamrohligida “Bunyodkor” stadioniga tashrif buyurishdi. Mehmonlarni “Bunyodkor” FK prezidenti Bedil Alimov va boshqa masul shaxslar kutib olishdi. Mehmonlar “Bunyodkor” stadionidagi O'zbekiston futboli tarixi muzeyi bilan tanishishdi. Stadionda yaratilgan sharoitlarni ko'zdan kechirishdi. “Bunyodkor” futbol maktabi haqida malumot olishdi. SHuningdek, ommaviy axborot vositalari vakillarini qiziqtirgan savollarga matbuot anjumanida javob qaytarishdi.

MOK prezidenti O'zbekistonda xukumat tomonidan yosh avlodni sog'lom tarbiyalash uchun sportga qaratilayotgan yuksak etiborni alohida takidlab o'tdi. Tomas Bax o'zbekistonlik sportchilarga Rio-de-Janeyroda bo'lib o'tadigan olimpiada o'yinlarida muvaffaqiyatlar tiladi.

Osiyo olimpiya kengashi rahbari ham yurtimizdagi sog'lom turmush tarziga xavas bilan qarab, bu borada mamlakat rahbarlarining sayi harakatlariga to'xtalib o'tdi. SHayh Ahmad Al-Fahad Al-Sabah o'zbek xalqi haqida gapirar ekan, bergan vadasini albatta bajarishini takidlab o'tdi.

- O'z so'ziga vafo qiluvchi o'zbekistonlik hamkasblarimiz bilan hamkorligimizni yanada rivojlantirayotganimizdan xursandmiz, - deydi SHayh Ahmad Al-Fahad Al-Sabah.

Etiboringizga olimpiya harakati rahbarlarining “Bunyodkor” stadioniga tashrifi FOTOJAMLANMASI va videolavhasini taqdim etamiz.


TAS-IX


TAS-IX emas