Olimpiadada 7-marta ishtirok etadigan 41 yoshli CHusovitina bilan intervyu

-   Germaniyada yashaysiz. Turnirlarda esa yana O'zbekiston nomidan ishtirok etasiz...
-   Germaniyada o'g'lim Alisher yashaydi. U hozirda maktabni tugatyapti. SHuning uchun u erga ko'p boraman. Yaqinda bir haftaga Toshkentga yo'l olmoqdaman. U erda Olimpiya o'yinlari borasida o'z rejalarimni tasdiqlatishim lozim.

-   Nima uchun yana Germaniyadan yana O'zbekistonga qaytyapsiz? Evropaliklar nomidan ham turnirda qatnashsangiz bo'ladiku?
-   Mening ko'p yillik orzuim bor – o'zim tug'ilgan va tarbiyalangan yurtim uchun Olimpiya medalini qo'lga kiritish. Umuman olganda, faoliyatimni uyda yakunlashni ham istayman.

-   O'zbekiston uchun 12 yil davomida 5 ta jahon chempionatida 5 ta medal qo'lga kiritgansizku?
-   To'g'ri, lekin 12 yil ichida Olimpiada medalini yuta olmadim. SHuning uchun, Rioda medal qo'lga kiritish uchun bor imkoniyatimni ishga solmoqchiman. Agar o'g'lim kasal bo'lmaganida Germaniyaga ketmasdim. U davolanganidan so'ng birinchi navbatda O'zbekistonga qaytish fikri  keldi. Ammo, bu haqida o'ylash biroz qo'rqinchili: U erda turmush o'rtog'imdan boshqa xech kim qolmagan. Qarindoshlarim xam allaqachon Rossiyaga ketishgan. Lekin, Toshkent baribir boshqacha. Mening erim, mening ona shahrim.



-   Germaniya gimnastika federaciyasi bunga qanday munosabat bildirdi? Ular hech qanday bosim o'tkazishmadimi?
-   Yo'q. Pekinda kumush medal sohibi bo'lganimdan so'ng yana ikkita og'ir bo'lgan mavsumni boshdan o'tkazdim. Operaciya qildirishimga to'g'ri keldi. Tuzalganimdan so'ng yana safga qaytdim. Lekin, ular mening murabbiyimni jamoa shtabga kiritishmadi. Omadsizliklarim shunga xam bog'lik. Yakunda esa men ulardan ketishni so'radim.

-   Rio turnirigacha bo'lgan tayyorgarlik va imkoniyatlaringizni qanday baxolaysiz?
-   Asosiy vazifa – jarohat olmaslik. Umuman olganda, saralash musobaqasi men uchun qiyin bo'lgani yo'q.

-   Nima uchun Olimpiadaga Svetlana Boginska qo'l ostida tayyorlanishga qaror qildingiz?
-   CHunki Sveta mening imkoniyatlarimni juda yaxshi biladi. Nyuanslarimni yaxshi his qiladi. Menga qachon nima kerakligini juda yaxshi biladi.

-   Braziliyadagi Olimpiada siz uchun so'nggisi bo'lmasligi ham mumkinmi?
-   Nima uchun yo'q? Hozir ko'pchilik meni esdan og'ib qolganligimni muhokama qilmoqda. Ko'p yildan beri musobaqalarda ishtirok etaman. Bunda nima muammo bo'lishi mumkin? Turnirlarga so'nggi o'rinni egallash maqsadida bormayapmanku! Xattoki medallar yutyapman. Bu menga juda yoqmoqda!

-   Turnirlarda ishtirok etish yoqadimi yoki unga tayyorgarlik ko'rishmi?
-   Menga avval qo'lga kiritmagan natijalarimni qo'lga kiritish yoqadi. Masalan, hozir bungacha gimnastikada xech kim amalga oshirib ko'rmagan mashqni qilmoqchiman.

Davomi bor...