So’nggi yangiliklar

02:32ЛаЛига. "Барселона" Мадридда дуранг ўйнади  21 01:42А Серия. "Интер" ўз майдонида ютқазди, "Лацио"дан йирик ғалаба  1 01:15АПЛ. Эмилиано Мартинес қайдномага киритилмаган ўйинда "Астон Вилла" ўз майдонида йирик ҳисобда ютқазди  0 00:52Давид Райя: "Янги тўплар эскисидан фарқ қилади"  2 00:14Бундеслига. "Боруссия" Д йирик ғалабага эришди  0 23:45А Серия. "Ювентус" 2-турда ҳам ғалабага эришди  3 23:30Абдуқодир Ҳусанов "CAFA Nations Cup" мусобақасида ўйнайдими?  3 23:08Туркия. "Истанбул Башакшеҳир" ўз майдонида "Эйюпспор"ни мағлуб қила олмади  36 22:55"Севинч" тарих яратди ва ОЧЛга йўлланма олди!  5 22:40Пеп Гвардиола: "Балки Ҳусанов жароҳат олмаганида ютқазмаган бўлардик"  22 22:25АПЛ. "Ливерпуль" Собослаининг суперголи эвазига "Арсенал"ни мағлуб қилди  40 21:53"Манчестер Юнайтед" янги дарвозабони билан келишувга эришди  10 21:45АПЛ. "Брайтон" - "Манчестер Сити" 2:1  1 21:35Родри: "Мен Месси эмасман"  14 21:11"Арсенал" ҳар турда йўқотишларга учрамоқда  1

Oliy liga. Jamoangiz ishtirokidagi o'yinni "Sport" TVda ko'ryapsizmi? Yangiliklar

Oliy liga. Jamoangiz ishtirokidagi o'yinni "Sport" TVda ko'ryapsizmi?

Zamonaviy futbolda televideniening roli juda katta. Agar TV bo'lmaganida biz Messini ham, Ronaldu ham tanimasdik. O'yinlaridan bexabar qolib ketaverardik.
Oliy liga. Jamoangiz ishtirokidagi o'yinni TVda ko'rdingizmi?

Zamonaviy futbolda televideniening roli juda katta. Agar TV bo'lmaganida biz Messini ham, Ronaldu ham tanimasdik.  O'yinlaridan bexabar qolib ketaverardik. Xuddi shuningdek, o'zbek futboli rivojida “Sport” telekanalining roli juda muhim ahamiyat kasb etadi.

SHu o'rinda o'zimga tasir qilgan kichik misolni keltirib o'tsam. 1-turdagi “Bunyodkor” – “Qizilqum” bahsini ko'rgach, menda navoiyliklar posboni Artyom Makosinga nisbatan qiziqish paydo bo'ldi va “FIFA.uz”dagi jamoam uchun keyingi turda uni sotib oldim. Bungacha jamoamdagi darvozabon Aleksandr Melenchuk (“So'g'diyona”) edi. Artyom Makosinning harakatlari maqul kelib, unga nisbatan iliq taassurot uyg'ondi. Endi o'zingiz o'ylab ko'ring, men kabi qaysidir futbolchining o'yinidan tasirlangan muxlislar qanchadan qancha...

Oliy ligamizda 14ta jamoa ishtirok etyapti. Bu esa har bir turda 7tadan o'yin bo'ladi degani. SHu paytgacha 3ta tur bo'lib o'tganini hisobga olsak, jami 21ta uchrashuv o'tkazildi. Va shundan 7tasi “Sport” TV orqali to'liq efirga uzatildi. 14ta o'yinni esa muxlislar ko'rgani yo'q. Dastlabki 3 tur yakunlariga ko'ra, 14ta o'yinning turli sabablar tufayli efirga berilmasligi birmuncha ko'p degani.

Endi raqamlarga to'xtalamiz. 1-turda 2ta o'yin, 2-turda ham 2ta bellashuv “Sport” telekanalida to'liq namoyish etildi. 3-turda esa 3ta bahs ko'rsatildi. Mana shu jami ettita o'yindan 3tasi to'g'ridan to'g'ri efirga uzatilgan bo'lsa, qolgan to'rttasi yozib olingan holda namoyish etildi. Tomoshabinlar shu vaqtgacha “Bunyodkor”, “Qizilqum”, “Olmaliq”, “Metallurg”, “Lokomotiv”, “Nasaf”, “So'g'diyona”, “Paxtakor” jamoalarini ekran orqali ko'rishdi. Ammo “Dinamo”, “Navbahor”, “Mashal”, “Buxoro”, “Neftchi” va “Andijon”ning o'yinini hozircha ko'rganimiz yo'q. Albatta, bu jamoalarning qanday o'yin namoyish etayotgani ham ko'pchilikni qiziqtirsa kerak.

“Sport” telekanali o'z imkoniyatidan kelib chiqqan holda Toshkent va Toshkent viloyatidagi o'yinlarni namoyish etmoqda. Lekin boshqa viloyatlarda bo'lib o'tayotgan o'yinlar hozircha olib berilmayapti. Faqat “Futbol sharhi”da qisqa kadrlar efirga ketmoqda, xolos. Yaxshiyam, shu ko'rsatuv bor, bo'lmasa hatto gollarni ham ko'rolmagan bo'lardik.

Lekin boshqa joylardagi o'yinlarni olib bermayotgani uchun faqatgina “Sport” TVni tanqid qila olmaymiz. CHunki oliy liga avvalo PFLning mahsuloti, PFL faqat o'yinlarni yuzaki o'tkazish bilan emas, balki uning targ'iboti bilan ham shug'ullanishi shart. Qars ikki qo'ldan chiqadi deganlaridek, PFL rahbari bilan “Sport” TV direktori biror kunni belgilab uchrashsin, shu mavzuni muhokama qilsin, zora bir ish chiqsa. Biz esa istemolchimiz, bizga o'yinlar kerak, shunga ehtiyoj sezyapmiz. PFL va TVning ishi esa odamlar ehtiyojini qondirish hisoblanadi.

PFL yil boshida ichki taqvim tuzayotganda TV bilan maslahatlashishi, bir yoqadan bosh chiqarib ishlashi kerak bo'ladi. Lekin hozir hamma o'z bilgancha ish qilyapti. Buning natijasida odamlarning futbolga bo'lgan qiziqishi tushib ketdi. Axir o'yinlarni ko'rmagandan keyin shu-da.
SHu o'rinda oliy liga bahslarini kamdan kam efirga uzatayotgani uchun hadeb “Sport” TVni tanqid qilish fikridan yiroqmiz. Negaki bu erda PFLning ham aybi bor. Sababi PFL o'z mahsulotini TV orqali namoyish etishni eplolmayapti. Axir oliy liga o'yinlarining TV orqali namoyish etilishi bir paytning o'zida PFLning ham obro'si emasmi? Xullas, shunaqa gaplar...

Quyida shu kungacha bo'lib o'tgan 3ta turdagi qaysi o'yinlar TV orqali namoyish etilgani-yu, qaysilari ko'rsatilmaganini keltirib o'tamiz. Navbatdagi 4-turda ham ikkita o'yin efirga uzatilsa kerak: “Olmaliq” – “Andijon” va “Lokomotiv” – “So'g'diyona” bahslari. Qolgan o'yinlarning faqat gollarini “Futbol sharhi” orqali ko'ramiz, shekilli.
 
1-tur
“Bunyodkor” – “Qizilqum” (to'g'ridan to'g'ri uzatildi)
“Olmaliq” – “Metallurg” (yozib olingan holda uzatildi)

“Nasaf” – “Dinamo” (namoyish etilmadi)
 “Buxoro” – “Neftchi” (namoyish etilmadi)
“Andijon” – “Paxtakor” (namoyish etilmadi)
“So'g'diyona” - “Mashal” (namoyish etilmadi)
“Navbahor” – “Lokomotiv” (namoyish etilmadi)

2-tur
“Lokomotiv” – “Nasaf” (yozib olingan holda uzatildi)
“Olmaliq” – “So'g'diyona” (yozib olingan holda uzatildi)

“Qizilqum” – “Andijon” (namoyish etilmadi)
“Buxoro” – “Navbahor” (namoyish etilmadi)
“Dinamo” – “Metallurg” (namoyish etilmadi)
“Mashal” – “Bunyodkor” (namoyish etilmadi)
“Neftchi” – “Paxtakor” (namoyish etilmadi)

3-tur
“Bunyodkor” – “Olmaliq” (to'g'ridan to'g'ri uzatildi)
“Paxtakor” – “Qizilqum” (to'g'ridan to'g'ri uzatildi)
“Metallurg” – “Lokomotiv” (yozib olingan holda uzatildi)

“Nasaf” – “Buxoro” (namoyish etilmadi)
“Andijon” – “Mashal” (namoyish etilmadi)
“Navbahor” – “Neftchi” (namoyish etilmadi)
“So'g'diyona” – “Dinamo” (namoyish etilmadi)

Xayrulla Xoliqov.
Reyting:    

Fikrlar

championat.asia
< so’nggi yangiliklarni ko’rish
Яндекс.Метрика