Oliy Liga taqvimida navbatdagi o'zgarishlar

Toshkentning Bunyodkor klubining 6 nafar futbolchisi O'zbekiston milliy terma jamoasiga, shuningdek mazkur klubning jami 12 nafar futbolchisi turli yoshdagi terma jamoalarga chaqirilgani bois, (O'zPFL reglamenti 4 modda, 4.24 bandiga asosan) Oliy Liga 3-turidan o'rin olgan Bunyodkor (Toshkent) - SHo'rtan (G'uzor) uchrashuvi kechroq muddatga qoldirildi.

Oliy Liga 3-turidan o'rin olgan Paxtakor (Toshkent) - Buxoro (Buxoro) uchrashuvi esa, O'zbekiston milliy hamda olimpiya terma jamoasi safida to'p surayotgan Paxtakor futbolchilarining tarkibga kechroq kelib qo'shilishlari bois, 2 apreldan 3 aprel kuniga ko'chirildi.

Oliy Liga 4-turidan o'rin olgan Lokomotiv (Toshkent) - Bunyodkor (Toshkent) uchrashuvi Bunyodkor klubining OCHL 4-turi doirasida safarda Lahviyaga qarshi o'yindan keyin kechroq etib kelishi bois, 12 aprel kunidan 13 aprel kuniga ko'chirildi.