So’nggi yangiliklar

12:20Жоэль Кожо нима учун "Динамо"га эмас, "Нефтчи"га ўтганини сабабини айтди  1 12:13"Барселона" ва яна учта клуб "Интер" футболчисига даъвогарлик қилмоқда  0 11:48Хойлунднинг янги клуби маълум  0 11:23МЮ собиқ футболчиси Бразилияга йўл олди  1 10:47Португалия терма жамоасининг бўлажак ўйинлар учун таркиби маълум  4 10:15"Ньюкасл" "Реал" футболчисига 100 миллион евро таклиф қилди  0 09:43Испания терма жамоасининг бўлажак ўйинлар учун таркиби маълум  2 09:16"Манчестер Сити" ҳимоячиси учун курашга "Тоттенхэм" ҳам қўшилди  1 08:48Here we go! "Арсенал" яна бир трансферни якунлади  7 08:20Антонининг "Бетис"га трансфери барбод бўлди  7 07:42Испания терма жамоаси аъзоси АПЛнинг ўртамиёна клубига ўтди  1 07:15CAFA. Бугун Ўзбекистон МТЖ ўз юришини бошлайди  16 01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  27

Oliy liga. 10-tur ramziy terma jamoasi Yangiliklar

Oliy liga. 10-tur ramziy terma jamoasi

Oliy ligamizda 10-tur bahslari yakuniga etdi. Gollarga boy uchrashuv Buxoroda qayd etildi.
“Mashal” bilan kechgan bahsda “Buxoro” 3:4 hisobida mag'lubiyatga uchradi. Bu tur faqat bitta o'yinda durang qayd etildi. Yani, Qarshida bo'lib o'tgan “Nasaf” - “Paxtakor” qarama-qarshiligi 1:1 hisobida yakun topdi.

Saytimiz odatiga ko'ra, 10-tur ramziy termasini keltirib o'tamiz. Tur ramziy jamoasidan bu safar “Dinamo”, “Nasaf”, “Qizilqum”, “Bunyodkor”, “Olmaliq”, “Paxtakor”, “Lokomotiv”, “Mashal” va “Neftchi” futbolchilari joy olishdi. Ayrim sabablarga ko'ra, “So'g'diyona”, “Metallurg”, “Navbahor”, “Buxoro” va “Andijon” klublaridan hech kim kiritilmadi.



DARVOZABON
Andrey Melnichuk (“Dinamo”)

10-turning eng yaxshi darvozaboni deb Andrey Melnichukni topdik. Garchi “Dinamo” mag'lubiyatga uchragan bo'lsa-da, Melnichuk o'z ishini yaxshi bajardi. Lekin jarohat olib maydonni erta tark etgani chatoq bo'ldi.



HIMOYACHILAR
Hamza Karimov (“Nasaf”)
Akmal Rustamov (“Qizilqum”)
Akmal SHorahmedov (“Bunyodkor”)
Abduqahhor Hojiakbarov (“Olmaliq”)

Himoyachilardan Hamza Karimov, Akmal Rustamov, Akmal SHorahmedov va Abduqahhor Hojiakbarov yaxshi o'yin ko'rsatishdi. Qizig'i shundaki, Karimov, Rustamov, SHorahmedov bu turda gol urishga muvaffaq bo'lishdi. “Olmaliq” vakili Hojiakbarov esa o'zining o'ng qanotida yaxshi harakat qildi.  



YARIM HIMOYACHILAR
Akbar Ismatullaev (“Paxtakor”)
Jamshid Iskanderov (“Paxtakor”)
Jasur Hasanov (“Lokomotiv”)
Erkin Boydullaev (“Nasaf”)

“Nasaf” maydoniga safar uyushtirgan “Paxtakor” Qarshidan bir ochko bilan qaytdi. Ushbu bellashuvda “paxtakorchilar”dan Iskanderov bilan Ismatullaev alohida ajralib turishdi. Akbar tayanch zonasida yaxshi o'yin ko'rsatgan bo'lsa, Iskanderov pleymeykerlik vazifasini bajardi va to'p kiritishga erishdi.



“Nasaf” tarkibida esa doimgidek Erkin Boydullaev yaxshi o'yin ko'rsatdi. “Loko”ning asosiy o'yinchilaridan biri Jasur Hasanov ham bu turda o'zini ko'rsata oldi. “Olmaliq” bilan kechgan bahsda jizzaxlik futbolchi burchak to'pidan to'g'ri darvoza to'rini ishg'ol qildi.



HUJUMCHILAR
Ro'zimboy Ahmedov (“Neftchi”)
Mo'ydin Mamazulumov (“Mashal”)

Nihoyat bu turda “Neftchi” chempionatdagi ikkinchi g'alabasini nishonladi. “Dinamo” bilan kechgan uchrashuvda yagona gol bahs oxirlarida Ro'zimboy Ahmedov tomonidan kiritildi. Natijada bu hujumchini tur ramziy termasiga kiritdik. “Mashal”ning yangi futbolchisi Mo'ydin Mamazulumov esa ikkita gol urishga muvaffaq bo'ldi. Qolaversa, o'yin davomida sheriklaridan ancha ajralib turdi.



BOSH MURABBIY
Aleksandr Xomyakov (“Mashal”)

Ramziy terma jamoaga bosh murabbiy deb “Mashal” ustozi Aleksandr Xomyakovni topdik. Safarda to'p surgan bo'lishiga qaramay, “Mashal” 4:0 hisobida “Buxoro”ni mag'lub etayotgandi, lekin keyinchalik maydon egalari uchta to'p kirita olishdi. Lekin “Mashal” g'alabani saqlab qola bildi va navbatdagi uch ochkosini qo'lga kiritdi. Umuman olganda “Mashal” joriy mavsum safarda ancha ishonchli harakat qilyapti. Jamoa hozircha mag'lub bo'lgani yo'q. Negadir uy uchrashuvlarida muborakliklarning hech omadi kelmayapti. CHempionat boshidan beri “gazchilar” uyda hatto gol ura olishgani yo'q. Ammo klub bosh murabbiyi Aleksandr Xomyakov Muborakda yaxshi jamoani shakllantiryapti desak bo'ladi.


Reyting:    

Fikrlar

championat.asia
< so’nggi yangiliklarni ko’rish
Яндекс.Метрика