OKMK FK va Qirg'iz Respublikasi akademiyasi o'rtasida memorandum imzolandi

So'nggi yillarda ikki mamlakat o'rtasida o'zaro hamkorliklar jadallashib, juda ham iliq munosabatlar o'rnatilmoqda. Hamjihatlikning amaliy ko'rinishini sportning futbol sohasida ham amalga oshirish maqsadida Osh shahridagi Asilbek Momunov nomidagi futbol akademiyasi va OKMK futbol klubi o'rtasida hamkorlik o'rnatildi. Yaqindagina bu ikki tomon Olmaliq shahrida norasmiy uchrashuv o'tkazishgan edi. Asilbek Momunov nomidagi futbol akademiyasi rahbariyati taklifiga ko'ra, vakillarimiz 2-3 avgust kublari Osh shahrida bo'lishdi.

Bugun kunning birinchi yarmida OKMK va A.Momunov futbol akademiyalarinibg U-17 tarbiyalanuvchilari o'rtasida xalqaro o'rtoqlik uchrashuvi bo'lib o'tdi. Qiziqarli kechgan bahsda OKMK tarbiyalanuvchilari Qirg'iz Respublikasidagi tengqurlaridan 4:2 hisobida ustun kelishdi.

Xalqaro uchrashuvdan keyin ikkala tomon rahbariyati o'rtasida rasmiy uchrashuv tashkil qilinib, unda uzoq yillik hamkorlik uchun memorandum imzolandi. Unda OKMK FK bosh direktori Bahodir Mirzaev va bosh direktorning bolalar va o'smirlar futboli bo'yicha o'rinbosari Denis Xomutov, Asilbek Momunov nomidagi futbol akademiyasi direktori Timur Abdullaev va akademiyaning avstriyalik texnik direktori Iskander Izchaqar, shuningdek ikkala tomonning boshqa vakillari ishtirok etishdi.

O'ylaymizki, imzolangan memorandum uzoq yillar davomida bu qordosh mamlakatlar hamkorliklari doirasida, xususan futbolida ham hamkorlik loyihalarini yangi bosqichga olib chiqadi.