OK-2019. O'zbekistonga qarshi o'yin oldidan Pim Verbek ummonliklarga o'zgacha dam berdi

Ektor Kuper boshchiligidagi O'zbekiston MTJ dastlabki turda Ummonga qarshi bahs olib boradi. "F" guruhidan o'rin olgan ushbu jamoalar to'qnashuvi ertaga, 9 yanvar kuni SHarjadagi "SHarja stedium"da bo'lib o'tadi. Bellashuv Toshkent vaqti bilan 18:30da start oladi.

Biroz avval ummonliklarning kechagi mashg'ulotidan suratlarni etiboringizga havola etgandik. Qizig'i, ana shu mashg'ulotdan so'ng bosh murabbiy Pim Verbek futbolchilarga o'zgacha dam berdi. Yani, bosh murabbiyning qarori bilan barcha o'yinchilar SHarjadagi sohil bo'ylab roppa-rosa 25 daqiqa mobaynida piyoda sayr qilishdi.

Suratlardan ko'rinib turibdi-ki, bu narsa futbolchilarga maqul kelgan. Murabbiy esa shu yo'l bilan shogirdlarini bosim va hayajondan biroz chalg'itmoqchi bo'lgandir.