Oybek Kasimovni tabriklaymiz, qutlaymiz!

Yodingizda bo'lsa, bu kishini o'tgan yil fotogalereya orqali tabriklagandik. Bu yil nimadir original narsa o'ylab topish uchun kun bo'yi bosh qotirdim. Oxiri Oybek Omilovichning eng yaqin do'stlariga murojaat qilib, ularning har biriga qog'oz ushlatib qo'ydim. Menimcha, qiziq chiqdi-a ))

Quyida futbolchilarimizning tabriklarini ilova qilaman.

Server Jeparov: - Do'stim, Oybek! Men sizni bugungi ayyomingiz bilan chin yurakdan tabriklayman! Biz kabi futbolchilarning muvaffaqiyatida sizning ham hissangiz katta, buni hech kim inkor etmaydi. Futbolda erishgan yutuqlaringizga, kelayotgan Osiyo o'yinlari va Rioda bo'lib o'tadigan Olimpiadada ham erishishingizga tilakdoshman!



Sanjar Tursunov: - Bugun ajoyib kun, boisi akamiz Oybek Kasimov 34 yoshga kirdilar. Bizga ham shu yoshlarga kirib to'p tepib yurish nasib etsin, tabriklayman!



Alesandr Geynrix: - Oybekjon! Men sizni ot dushi tabriklayman. Bu haqda telefonda aytgan bo'lsam ham, sayt orqali qolganlarning ham tabrigini olmoqchiman. Futbolni tugatib olay birga ishlaymiz ))




Men o'zimni gaplarimni maqolamda yozdim ))



Kamoliddin Murzoev: Bu akam haqida gapirmayman, chunki bitta gap kam aytib qo'yishdan qo'rqaman )) SHuning uchun qisqa qilib, TABRIKLAYMAN!






Timur Kapadze: - Oybekni nafaqat o'zimning nomimdan, balki butun farg'onalik futbol muxlislari va Kapadzelar oilasi nomidan tabriklayman. Doim oilangiz baxtiga sog' va omon bo'ling, jichchadan keyin uchrashamiz ))




Oybek Kasimovni saytimiz o'quvchilari va jurnalistlari nomidan tabriklashni insoniy burchim deb bildim. O'zbek futboli va sportining taraqqiy etish yo'lida xizmat qilayotganingiz uchun barcha-barchaning nomidan Sizga sihat-salomatlik, uzoq umr va oilaviy baxt tilaymiz. Doimo yaqinlaringiz baxtiga sog' bo'ling!


Nodirxo'ja Yuldashev