ОФК расмий сайти ҳам ташкилот томонидан бир йил ичида амалга оширилган ишларга тўхталиб ўтди. Қуйида 2018 йилнинг январь - июнь ойларида қитъамизда рўй берган муҳим воқеаларни келтириб ўтамиз.
Январь
- Ўзбекистон U-23 терма жамоаси Хитойда ўтказилган U-23 Осиё чемпионатида ғолибликни қўлга киритди. Равшан Ҳайдаров шогирдлари финалда Вьетнамни 2:1 ҳисобида мағлуб этишди.
Февраль
- Хитой Тайпейида бўлиб ўтган футзал бўйича 12-Осиё чемпионатида Эрон ғолибликни қўлга киритди.
Март
- Малайзиядаги "Рохингя" таълим маркази ўқувчилари ОФК штаб-квартирасига тариф буюриб ишчи-ходимлар билан футбол ўйнашди.
- Осиё Кубоги-2019 саралаш баҳслари ўз якунига етди. Мусобақада биринчи бор иштирок этадиган учта дебютант номи маълум бўлди: Қирғизистон, Филиппин ва Яман.
Апрель
- ОФК президенти Шайх Салмон бин Иброҳим Ал Халифа Тожикистон пойтахти Душанбеда ташкил этилган спорт лойиҳасида иштирок этди.
- Япония аёллар терма жамоаси Иорданияда бўлиб ўтган Осиё Кубогида зафар қучди. Финалда Австралия 1:0 ҳисобида мағлуб этилди.
Май
- Осиё Кубоги-2019 финал босқичига қуръа ташланди. Қуръа ташлаш маросими 4 май куни Дубайдаги "Армани" меҳмонхонасида ташкил этилди.
- Қуръадан сўнг Осиё Кубоги ғолибига бериладиган янги кубок ва мусобақа тўпи расман намойиш этилди. Шунингдек, турнир мукофот жамғармаси ҳам эълон қилинди.
- Футзал бўйича аёллар ўртасида Осиё чемпионати ўтказилди. Бунда Эрон чемпионликни қўлга киритди. Финалда Япония 5:2 ҳисобида мағлуб этилди.
- ОФКга аъзо 41 та мамлакатда болалар футболини ривожлантириш бўйича турли тадбирлар ташкил этилди.
Июнь
- Жаҳон чемпионати тарихида илк марта Осиёдан 15 нафар ҳакам мундиалда ишлаш бахтига муяссар бўлди.
- Жаҳон чемпионати тарихида биринчи бор ОФКдан бешта жамоа мундиалда қатнашди: Австралия, Япония, Жанубий Корея, Эрон ва Саудия Арабистони.
