OFK vakili Bekobodga tashrif buyurdi

Rasmiy mehmonlarni "Metallurg" stadionida "Metallurg" PFK hamda "Metallurg" stadioni rahbariyati kutib olishdi.

Mehmonlar tashrif davomida "Metallurg" stadioni yashil maydoni bilan va infratuzulmasi bilan yaqindan tanishishdi.  OFK vakili Elnur Mamedov stadionning chimini ko'zdan kechirar ekan stadion rahbariyatiga qoplama borasida o'z fikr mulohazalari, qimmatli maslahatlarini berdi. SHundan so'ng "Metallurg" arenasida yaratilgan barcha shart-sharoitlar bilan tanishib chiqdi. Jamoalar kiyinish xonalari, dush, tibbiy markazlar, sport zallari, martabali mehmonlar uchun ajratilgan maxsus joylar shuningdek  media markazdagi sharoitlarni o'rganishdi. Stadion qoshida barpo etilgan shaxmat, taekvando to'garaklarini ko'zdan kechirdi, ayniqsa Bekobod shahri futbol tarixi muzeyi mehmonlarda katta taassurot qoldirdi. Muzeydagi barcha eksponatlarni ko'zdan kechirar ekan, nufuzli mehmon o'zining samimiy dil izhorlarini yozib qoldirdi.  

Tashrif yakunida,  "Metallurg" klubi rahbarlari, matbuot va marketing bo'limi hamda stadion xodimlari ishtirokida davra suhbati tashkillashtirildi. Unda Elnur Mamedov klub marketing ishlarini yanada takomillashtirish, rivojlantirish borasida kerakli maslahat va tavsiyalarini berdi.

"Metallurg" matbuot xizmati