OFK sayti toshkentlik yigit bilan suhbat qurdi

Sayt xodimlari faqat o'yinlar o'tadigan stadionlar va ishtirokchi jamoalarni yozish bilan cheklanib qolishayotgani yo'q. Ular BAAda istiqomat qilayotgan turli millat vakillari bilan ham suhbat qurishyapti. Mana shunday suhbatlardan biri hamyurtimiz bilan kechdi.
Tanishing, Mahmud Muzaffarovich. U Toshkentdan BAAga uch yil oldin kelgan. Dubayda restoran faoliyati bilan shug'ullanadi. Muzaffarovich OFK vakili bilan suhbatda BAAda istiqomat qilayotgani, o'z kasbi hamda futbolga qiziqishi haqida so'zlab berdi.    

"Bu erning odamlari juda yaxshi, - deydi Mahmud Muzaffarovich. - BAA xalqi hammaga xushmuomala. Men O'zbekistonni ko'p sog'inaman, ayniqsa to'ylarni. To'y bizda uzoq yillardan beri davom etib kelayotgan anana hisoblanadi. To'ylarimizda raqslar zo'r bo'ladi, ko'rib zavqingiz keladi".

"Bizda eng asosiy milliy taom bu palov. Palovni hozir istalgan joyda topishingiz mumkin. Markaziy Osiyo deysizmi yoki Rossiyadami, lekin palovdan tashqari boshqa mazali taomlarimiz ham bor. Masalan, lag'mon, somsa. Salqin ichimliklar orasida kompotga etadigani yo'q. Men hozir Dubayda "Toshkent" nomli restoran yurityapman. O'zbek milliy taomlaridan totib ko'rishni istovchilarni restoranimizga taklif etib qolaman".

"Endi futbol haqida gapiradigan bo'lsam, men "Paxtakor" muxlisiman. Eng sevimli futbolchim Odil Ahmedov. Men uning o'yinlarini tez-tez kuzatib borishga harakat qilaman. Uni ko'pchilik yoqtiradi, faqat yaxshi futbolchi uchunligi emas, balki inson sifatida ham hurmatga sazovor. Yanvarda o'tkaziladigan Osiyo Kubogida O'zbekiston terma jamoasi ham qatnashadi. Nasib qilsa stadionga borib jamoamiz o'yinini ko'rmoqchiman. Men optimist insonman, shu bois finalga chiqamiz deb o'ylayman".