OFK kubogi-2021. Yazguli Xojageldiev: "Bor etiborimiz "Xo'jand" bilan uchrashuvga qaratilgan"

Anjumanning birinchi qismida "Oltin Asr" bosh murabbiyi Yazguli Xojageldiev o'z fikrlarini bildirib o'tdi.

"Birinchi o'yin har doim qiyin bo'ladi. Guruhda oddiy jamoalar yig'ilmagan. Imkoniyatimiz darajasidan kelib chiqib guruhdan chiqishga urinib ko'ramiz", - deydi murabbiy.

- Jamoaning ushbu turnirga tayyorgarligi qanday bo'ldi? Avvalroq "Oltin asr"ning musobaqaga kelmasligi haqida xabarlar chiqqandi. Bu ertangi o'yinga qay darajada tasir qiladi?
- Biz bunga ko'p ham etibor berayotganimiz yo'q. Biz oxirigi pallagacha tayyorgarlik ko'rgandik. Hozirda butun dunyoda pandemik vaziyat xukumron. Bor etiborimiz OFK kubogi bahslariga qaratilgan.

- Klub jamoaning oldiga qanday maqsad qo'ygan?
- Maqsad har bir o'yinga munosib tayyorgarlik ko'rish va g'alaba qozonish. Qolganini vaqt ko'rsatadi. Birinchi o'rinda ertangi o'yinni o'ylashimiz zarur.

- Turkmaniston chempionati hali start olmagan. O'yin amaliyoti bilan bog'liq muammolar to'sqinlik qilmayaptimi?
- O'yin  amaliyotini ushlab turish uchun nazorat uchrashuvlarida maydonga tushdik.

Eslatib o'tamiz, "Oltin Asr" - "Xo'jand" uchrashuvi 14 may kuni Toshkent vaqti bilan soat 21:05da boshlanadi. 

Altyn Asyr

AFC Cup Grp. F . 1-tur 14/05/2021, 22:05 2 : 2 Tugadi

FK Khujand

45'

90'

Match-senterda ochish