OFK Eronning ikki klubini 45 ming dollar jarimaga tortdi

Gap "Istiqlol" va "Persepolis" klublari haqida ketyapti. Har ikki klub bazi sabablarga ko'ra, umumiy miqdorda 45 ming dollar jarimaga tortildi.

Agar detallarga to'xtaladigan bo'lsak, "Istiqlol" bosh murabbiyi Farhod Majidi "Al Duhayl" bilan bahsdan so'ng matbuot anjumaniga kelmagani uchun 10 ming dollar to'laydigan bo'ldi. Bundan tashqari ushbu jamoa futbolchisi Vouria Gafur "Al SHorta"ga qarshi bahsdan so'ng salbiy fikrlarni bildirgani uchun u ham jarimaga tortildi.

OFK tartib intizom qo'mitasi "Persepolis" klubiga nisbatan 17,500 dollar jarima qo'lladi. CHunki ushbu klub Goada bo'lib o'tgan OCHL o'yinlari paytida o'z rasmiy sayti va video kanalida turli bo'lmag'ur narsalarni joyladi. Bundan tashqari, "Persepolis" qachon o'z maydonida o'ynaydigan bo'lsa, 1ta uchrashuvni muxlislarsiz o'tkazadi. 

SHuningdek, ushbu klub futbolchisi Mehdi Torabiga nisbatan ham jarima solindi. CHunki u o'yindan keyingi matbuot anjumaniga 15 daqiqa ichida kelmagan, balki ancha kechikib kelgan va boshqalarni kuttirib qo'ygan. Har ikki klub jarimaga tortilgach, Eron FF tartib intizom qo'mitasi ham bu borada tegishli ishlarni olib borishi kerak bo'lyapti.

Bu o'rinda ichki chempionatga ko'p narsa bog'liq bo'lib qolyapti. CHunki Eron chempionatida o'yindan keyingi matbuot anjumanlariga murabbiy va futbolchilar xohlasa kiradi, xohlamasa yo'q. Bu o'rinda ko'p narsa natijaga bog'liq. Tartib qo'mitasi esa haliyam bu borada jiddiy qaror qabul qilgani yo'q.

Eronlik jurnalistlar fikricha, matbuot anjumaniga kirmaslik muxlislar, OAV va o'yin tashkilotchilariga nisbatan hurmatsizlik hisoblanadi. Bundan tashqari klublar rasmiy saytida istalgan narsani chiqarish aqlga to'g'ri kelmaydi. SHu bois futbol federaciya bu borada jiddiy chora ko'rishi kerak.