OFK “Eng yaxshi futbolchi” sovrini uchun nomzodlarni malum qildi

Malumki, OFK futbolchilarni uch xil yo'nalish bo'yicha taqdirlaydi. Yani, “Eng yaxshi futbolchi”, “Eng yaxshi osiyolik legioner” hamda “Eng yaxshi legioner”.

“Eng yaxshi futbolchi” sovrini uchun Javod Nekunam, yaqinda OCHL bosh sovrinini qo'lga kiritgan Jeng Ji hamda OCHL finalchisi Xa De Sung o'zaro kurash olib boradigan bo'lishdi.

OCHLda eng ko'p gol urgan Dario Leonardo Konka, chernogoriyalik Deyan Damyanovich va Luis Gilerme Da Konseysao (Murikui)dan biri “Eng yaxshi legioner” bo'lish uchun nomzodlar ro'yxatiga kiritildi.

SHuningdek, “Eng yaxshi osiyolik legioner” sovrini uchun Yuto Nagatomo, Son Xeyung Min hamda Keysuke Xonda o'zaro bellashishadi. G'oliblar nomi 26 noyabr kuni Malayziyada o'tkaziladigan tadbirda elon qilinadi.

“Eng yaxshi futbolchi” uchun nomzodlar:
Xa De Sung (J. Koreya; “Seul”)
Javod Nekunam (Eron; “Istiqlol”)
Jeng Ji (Xitoy; “Guangju Evergrand”)

“Eng yaxshi osiyolik legioner” uchun nomzodlar:
Keysuke Xonda (Yaponiya; CSKA (Rossiya)
Son Xeyung Min (J.Koreya; “Bayer” (Germaniya)
Yuto Nagatomo (Yaponiya; “Inter” (Italiya)

“Eng yaxshi legioner” uchun nomzodlar:
Dario Leonardo Konka (Argentina; “Guangju” (Xitoy)
Deyan Damyanovich (CHernogoriya; “Seul” (J.Koreya)
Luiz Gilerme Da Konseysao Silva “Murikui”(Braziliya; “Guangju” (Xitoy)

Xayrulla Xoliqov tayyorladi.