O'FFda ko'pchilik kutgan yana bir istefo

Bu haqda O'FF matbuot xizmati xabar berdi. SHu paytgacha xalqaro bo'lim boshlig'i sifatida ishlab kelgan Aleksandr Davidenko va uning yordamchisi SHerzod Egamberdievlar o'z lavozimidan ozod etildi. Qayd etib o'tish joiz, SHerzod Egamberdiev o'zining feysbukdagi sahifasida yozgan postlari sabab keskin tanqidlarga uchragan edi. Masalan, Samvel Babayan boshchiligidagi murabbiylar shtabiga haykal qo'yish kerakli haqida yozgan, shuningdek jurnalistlarni "qishloqi" deb atagan ham aynan u bo'ladi. To'g'ri, keyinchalik o'sha posti uchun rasman uzr so'ragan.

Xalqaro aloqalar boshqarmasi sifatida yangi tashkil qilingan strukturaga Olim Arifov rahbarlik qiladigan bo'ldi.  

Malumot uchun: Olim Arifov 1987 yilda Toshkentda tug'ilgan. O'zbekiston Davlat Jahon Tillari Universitetini tamomlagan. O'zbekiston Futbol Federaciyasida 10 yil davomida turli lavozimlarda ishlagan. Ingliz, rus va o'zbek tillarida erkin so'zlasha oladi.

Olim Arifovning yordamchisi sifatida turli tashkilotlar, shu jumladan sport federaciyalarida ishlab kelgan Diyor Isomiddinov ish boshladi.

Hozirgi kunda xalqaro aloqalar boshqarmasining boshqa lavozimlariga ham yangi nomzodlar ko'rib chiqilmoqda.