O'FF Prezidenti O'zbekiston o'smirlar terma jamoasi bilan uchrashdi

Uchrashuv chog'ida O'FF Prezidenti terma jamoa azolariga omad tiladi va terma jamoamizning Osiyo chempionatida yurtimiz shanini munosib himoya qilishlariga tilak bildirdi. O'zbekiston Futbol Federaciyasi Prezidentiga ko'ra, aynan O'zbekiston yoshlar va o'smirlar terma jamoalari millat futbolining kelajagidir.

O'FF Terma jamoalar markazi direktori Asqar Tolibjonov O'zbekiston U-16 o'smirlar terma jamoasining Osiyo CHempionatida munosib ishtirok etishiga tilak bildirdi va bu borada O'FF rahbariyati terma jamoa aolarini har tomonlama qo'llab-quvvatlashini takidladi.

Uchrashuvda shuningdek, terma jamoa futbolchilarining oila azolari va yaqinlari ishtirok etishdi.

Avvalroq xabar berganimizdek, O'zbekiston U-16 o'smirlar terma jamoasi Osiyo CHempionati oldidan o'zining yakuniy yig'inini o'tkazish uchun 24 avgust kuni Malayziyaga jo'nab ketadi. Mazkur yig'in davomida esa, 26 va 28 avgust kunlari Malayziya U-16 o'smirlar termasiga qarshi ikkita o'rtoqlik o'yinida maydonga tushadi. Malayziyadagi yig'in yakuniga etgach, terma jamoa Osiyo CHempionatida ishtirok etish uchun u erdan to'g'ri Tailandga yo'l oladi.

Eslatib o'tamiz, Tailandda bo'lib o'tadigan U-16 o'smirlar o'rtasidagi Osiyo chempionati 6-20 sentyabr kunlari bo'lib o'tadi. Aleksandr Mochinov bosh murabbiyligidagi O'zbekiston U-16 terma jamoasi musobaqaning guruh bosqichida Nepal, Kuvayt va KXDR o'smirlar terma jamoalariga qarshi o'ynaydi.