O'FA yangi prezidenti Achilbay Ramatov: "Futbolimizda juda ko'p muammolar bor. Ularni hal qilishimiz kerak"

"Menga bildirilgan ishonch uchun rahmat. Endi futbolni rivojlantiramiz. Futbolda juda ko'p muammolar bor. Endi pastga tushib muammolarni hal qilishimiz kerak. Hamma pasta tushishi lozim, viloyatlardagi futbolni ko'tarishimiz kerk. Nima kerak bo'lsa hammasini qilamiz. Pul kerak bo'lsa pul topamiz. Futbolimizni ko'tarishimiz kerak. Osiyodagi o'z o'rnimizni ham yo'qotdik. O'zbek futbolini ko'tarishimiz kerak. 

Arab davlatlarida o'z vaqtida futbolni tushunishmasdi. Ular to'g'ri yo'lda va mana hozir rivojlanib etakchiga aylanishdi. Biz ham ishni to'g'ri yo'lga qo'yamiz. Xalq bizdan natija so'raydi. Ularning bunga haqqi bor. Stadionlarga ishqibozlar kelmay qo'ydi. Toshkentda ham shu ahvol. Demak biz futbolimizdagi kasalliklarni qidira boshlashimiz kerak. Tomoshabin kelmasa bizning qilgan ishlarimiz hech kimga kerak emas. 

Futbol bu ommaviy sport. Asosiy maqsad bu xalq uchun, muxlislar uchun ishlashkerak. O'z vaqtida stadionlarimiz to'lardi. Hozir esa hech kim yo'q. CHunki bizning futbolda "o'yinlar" ko'p. Tepadan qo'ng'iroqlar bo'ladi. Endi kim aralashadigan bo'lsa o'zidan ko'rsin. Aralashuvlar butkul yo'qotiladi", - deydi O'FA yangi prezidenti Achilbay Ramatov. 

O'FA prezidentining keskin va jiddiy fikrlari to'liq ravishda tez orada saytimizga video tarzida joylanadi.