O'FA va PFL korrupciyaga qarshi! PFL Sport bo'limi xodimi tamagirlik qilgani uchun qo'lga olindi
18 jan 2019 16:19
Yangiliklar
![](https://championat.asia/upload/storage/473045_original.jpg)
![](/upload/storage/473045_220.jpg)
O'FA va PFL korrupciyaga qarshi! PFL Sport bo'limi xodimi tamagirlik qilgani uchun qo'lga olindi
Mana shunday noqonuniy harakatlar bilan shug'ullanayotgan shaxslarni aniqlash va tegishli huquq-tartibot organlariga topshirish maqsadida muntazam ravishda tekshiruv ishlari amalga oshirilmoqda. Ana shunday tekshiruv ishlari natijasida PFL Sport bo'limi mutaxassisi Rodion Kondratev tamagirlik bilan shug'ullanayotgani malum bo'ldi.
U Buxoro viloyati G'ijduvon tumani "Yoshlar Ittifoqi"ning "Ittifoq" jamoasini Pro-liganing "V" ligasida ishtirok etishi uchun licenziyalashdan o'tkazib berish evaziga 2 500 AQSH dollari miqdorida pora so'ragan. Bu haqida xabar topgan O'FA Futbol faoliyatini nazorat qilish boshqarmasi Toshkent shahar prokuraturasining Iqtisodiy jinoyatchilikka qarshi kurash departamenti bilan hamkorlikda maxsus tadbir o'tkazdi. Ana shu tadbir natijasida bugun Rodion Kondratev O'zbekiston Davlat Koservatoriyasining yonida 1 500 AQSH dollari miqdorida pora olayotgan paytda qo'lga olindi. Mazkur holat yuzasida jinoyat ishi qo'zg'atish masalasi hal qilinmoqda.
Endilikda Rodion Kondratev o'z qilmishi uchun qonunda belgilangan tartibda javogarlikka tortiladi. SHuningdek, Rodion Kondratev bilan birgalikda mana shunday tamagarlikka qo'l urgan jinoiy sheriklari ham qonun oldida javob beradi.
O'zbekiston futbol associaciyasi ushbu holat mana shunday nopok maqsadlarni ko'zlab yurgan boshqa shaxslarga ham ibrat bo'lishiga umid bildirib, kimki poraxo'rlik, tamagirlik kabi illatlar orqali o'zbek futboli rivojiga to'sqinlik qilishga urinadigan bo'lsa, qonunda belgilangan qatiy jazoga tortilishi bo'yicha ogohlantiradi.
![AMP Logo](https://championat.asia/image/logo-amp.png)
Fikrlar