O'FA Qashqadaryo futbol akademiyasini "Paxtakor"ga, Sirdaryodagisini "Metallurg"ga beryapti

Bizga malum bo'lishicha, ushbu akademiyalar davlat byudjeti tomonidan moliyalashtiriladi. Lekin tez orada barcha 14ta akademiya Superliga va Proliganing ayrim klublariga biriktirilishi mumkin. Bunga sabab sifatida bazi klublarning o'z akademiyasi yo'qligi aytilmoqda.

Lekin qizig'i shundaki, agar bu borada tegishli qaror qabul qilinsa, Qashqadaryo futbol akademiyasini bundan buyon "Paxtakor" otaliqqa oladi. CHunki "Nasaf" bilan "Mashal"ning o'z akademiyasi bor. SHuningdek, "SHo'rtan" jamoasi qoshida ham futbol maktabi faoliyat yurityapti va barcha sharoitlarga ega.

2019 yildan boshlab turli hududlarda joylashgan 14ta akademiya quyidagi klublar ixtiyoriga o'tishi kutilyapti.

Toshkent shahar futbol akademiyasi - "Lokomotiv"
Toshkent viloyati futbol akademiyasi - AGMK
Namangan futbol akademiyasi - "Navbahor"
Farg'ona futbol akademiyasi - "Qo'qon-1912"
Andijon futbol akademiyasi - "Andijon"
Sirdaryo futbol akademiyasi - "Metallurg"
Jizzax futbol akademiyasi - "So'g'diyona"
Samarqand futbol akademiyasi - "Dinamo"
Qashqadaryo futbol akademiyasi - "Paxtakor"
Surxondaryo futbol akademiyasi - "Surxon"
Buxoro futbol akademiyasi - "Buxoro"
Navoiy futbol akademiyasi - "Qizilqum"
Xorazm futbol akademiyasi - "Xorazm"
Qoraqalpog'iston Respublikasi futbol akademiyasi - "Orol"

Demak, bu ish amalga oshsa aytib o'tganimizdek, Qarshi shahridagi viloyat futbol akademiyasi "Paxtakor", Sirdaryodagi akademiya esa "Metallurg" qaramog'iga o'tadi. Bu keyinchalik qanday foyda berishi mumkinligi to'g'risida yaqin orada kattaroq maqola qilishga harakat qilamiz.

X.Xoliqov