O'FA prezidenti Bahodir Qurbonov JCH saralashining muhim uchrashuvlaridan oldin milliy jamoa bilan uchrashdi

O'zbekiston milliy terma jamoasi 2026-yilgi Jahon chempionatining uchinchi saralash bosqichi doirasida 20 mart kuni Qirg'iz Respublikasi, 25 mart kuni Eron bilan o'ynaydi. Bugun O'zbekiston futbol associaciyasi prezidenti Bahodir Qurbonov masuliyatli o'yinlar oldidan milliy terma jamoa azolari bilan uchrashdi va ushbu bosqich ahamiyati, xalqimizning azaliy orzusi bo'lmish Mundial yo'llanmasini qo'lga kiritish orqali muxlislarni xursand qilish muhimligi haqida to'xtaldi. Bosh murabbiy Timur Kapadzening rejalari tinglandi.

Futbolimiz rahbari shuningdek, futbolchilar bilan suhbatda ijobiy natijalarga erishish uchun O'FA tomonidan barcha zarur sharoitlar taqdim etilishini malum qildi. O'z o'rnida jamoamizning bir qator etakchi futbolchilari o'z fikrlarini bildirib o'tishdi. Tibbiy shtab va jamoaga aloqador barcha mutaxassislarga tegishli ko'rsatmalar berildi. Bahodir Nizomovich bo'lajak uchrashuvlarda jamoamizga omad tiladi.