Odil Ahmedov, To'labek Akramov, Bahodir Mirzaev va Diyor Imomxo'jaev. PFL Ijroiya qo'mitasi mavsum oldidan yig'ilish o'tkazdi

Ijroiya qo'mitaning 9 nafar azosidan uch nafari yig'ilishda ishtirok etmadi. Qo'mitaning yagona bo'lgan ayol azosi Aziza Tatlimuratova Osiyo futbol konfederaciyasida ish boshladi. SHundan kelib chiqib, uning qo'mitadan chiqishi maqullandi. Turon klubi sobiq prezidenti Olimxon Ahmedov esa Liga bilan iliq aloqalarini saqlab qolishini malum qilib, o'zining Ijroiya qo'mitadan chiqarilishini so'radi. Qo'mita ularning o'rnini qanday to'ldirish masalasida kelishib oldi.

Associaciya vice-prezidenti Odil Ahmedov, Liga bosh direktori Diyor Imomxo'jaev, qo'mita azosi va bir vaqtning o'zida kotibi Oybek Ibrohimxonov, "Lokomotiv", OKMK, "Nasaf" klublari rahbarlari To'labek Akramov, Bahodir Mirzaev hamda Alisher Yusupov yig'ilishda ishtirok etdi, kvorum jam bo'ldi. Xorazm klubi rahbari Maqsud Karimov uzrli sabab bilan yig'ilishda ishtirok eta olmadi.

Yig'ilishda 2024 yilgi rejalar hamda 2025 yilgi mavsumga tayyorgarlik masalalari ko'rib chiqildi. Liga rahbari qo'mita azolariga 2023 yilgi mavsum yuzasidan moliyaviy hisobot topshirdi. Hisobotda Liga daromadlari qanday ko'rinishda bo'lgani va ular qanday sarf etilgani yuzasidan malumot berildi.

Qo'mita 2024 yilgi mavsum bo'yicha qator masalalarni ko'rib chiqdi hamda qarorlar qabul qildi. Jumladan, 2024 yilgi mavsum uchun qatnashchilik badali miqdori qatorasiga to'rtinchi yil o'zgarishsiz qoldi. Mavjud inflyaciya hisobiga u yildan-yilga kamayib borayotgani etirof etildi. SHuningdek, xorijlik futbolchi va mutaxassis uchun to'lov miqdori ham o'zgarmadi.

Qo'mita ko'rib chiqqan va jamoatchilikka oshkor etilishi lozim bo'lgan masalalar yuzasidan Liga rasmiy sayti orqali malumot berib boriladi.