Odil Ahmedov: "Kamida avvalgi natijani takrorlashimiz kerak"

- Qiziqarli va teng kuchli terma jamoalardan iborat guruh. 2011 yil ko'rsatgan natijamiz samarasi o'laroq, bu safar birinchi savatchadan joy oldik. Saudiya Arabistoni Osiyoning kuchli terma jamoalaridan biri. KXDR sirli raqib, Xitoydan so'nggi yillarda ustun kelyapmiz. Bu esa bizga qo'l kelishi aniq. Ammo yaxshi tayyorgarlik ko'rsak va o'rtoqlik o'yinlari etarlicha bo'lsa, biz guruhda peshqadam bo'la olamiz.  

- Guruhdan chiqsak, "A" guruhi vakillariga qarshi bahs olib boramiz. Katta ehtimol bilan Avstraliya va Janubiy Koreya terma jamoalaridan biriga qarshi maydonga tushamiz.
- Bu ikki terma jamoadan avvalgi natijalar uchun alamimizni olishimiz kerak. So'nggi natijalardan kelib chiqib muxlislar oldida biroz ishonchdan chiqqandek bo'ldik. Lekin biz maydonga tushganimizdan keyin, faqat va faqat futbol haqida o'ylaymiz. Bu safargi Osiyo Kubogidan umidim katta. Yaxshilab tayyorgarlik ko'rib, kamida avvalgi musobaqada qayd etgan natijamizga erishishimiz kerak. Muxlislarimiz bizni nima bo'lishidan qatiy nazar qo'llab-quvvatlasalar, biz bari-bir maqsadimizga erishamiz.

- Bunga yoshlar tayyormi?
- Bugun ko'rsatayotgan o'yinlaridan kelib chiqib ha deb aytsam bo'ladi. O'z navbatida 2011 yilgi Osiyo Kubogi biz kabi legionerlarga tramplin vazifasini bajargan edi. Bugungi yoshlarga Avstarliya katta yo'l ochishi mumkin.

Nodirxo'ja Yuldashev