OCHL. Hozircha Maxaradze va To'raev eng yaxshisi!

"Paxtakor" o'z maydonida Fors ko'rfazining bugungi kundagi eng yaxshi klubi bo'lib turgan "Naft"ni, "Bunyodkor" esa safarda Saudiya Arabistonining eng yaxshi klubi bo'lib turgan "Al Nasr"dan ochko oldi.

To'g'risini aytganda, ming jamoalarimizga muxlislik qilmaylik, na "Paxtakor"dan, na "Bunyodkor"dan bunday natija kutmagandik.

"Naft" 2014 yil so'nggi turda "Sepaxon"ga imkoniyatni berib chempionlikdan mahrum bo'lgan edi. "Al Nasr" esa bor-yo'g'i bitta mag'lubiyatga uchragan holda mamlakat chempionligini qo'lga kiritdi.

"Bunyodkor" gol urganidan keyin poytaxtliklar bor etiborni hujumga qaratdilar. Bu vaziyatda jamoani kamida 4ta vaziyatda muqarrar goldan qutqargan futbolchi Akbar To'raev bo'ldi. SHu boisdan, "CA", "Al Nasr" - "Bunyodkor" uchrashuvining eng yaxshi futbolchisi deb Akbar To'raevni tanladi.

"Paxtakor" - "Naft" o'yinida o'rtani ushlab turgan futbolchi Kaxi Maxaradze bo'ldi. SHerzod Karimovning to'p uzatishini o'ziyoq shedevr bo'ldi. Ammo bizda bunday shedevrlarni kamdan-kam hollarda golga aylantira olishadi. Kaxi esa muhim pallada, muhim golni ura oldi. Undan tashqari, qolgan daqiqalarda ham jamoasini ham himoyada, ham hujumda ushlab turdi. "CA"ning talqiniga ko'ra, aynan gruziyalik futbolchi o'yinning eng yaxshi futbolchisi bo'ldi. 

P.S: OFK talqiniga ko'ra ham, aynan mana shu ikki o'yinchi uchrashuvning eng yaxshisi bo'lishdi.

Nodirxo'ja Yuldashev