OCHL. CHorak finalning dastlabki ikki uchrashuvi o'tkazildi

BAAning “Al-Ayn” jamoasi Saudiya Arabistonining “Al-Ittihod”ini qabul qilib, 2:0 hisobida zafar quchdi va Jiddada o'tkaziladigan javob bahsi oldidan yaxshigina imkoniyatga ega bo'lib oldi.

Avvaliga 48-daqiqada Ahmad Ismoil hisobni ochgan bo'lsa, 61-daqiqada Asamoa Gyan g'alabani mustahkamladi. Ikkinchi chorak final juftligida Saudiya Arabistonining “Al-Hilol” jamoasi o'z muxlislari ko'z o'ngida Qatarning “Al Sadd” klubidan kichik 1:0 hisobida ustun keldi. 71-daqiqada Salmon Faraj tomonidan kiritilgan gol uchrashuvda yagonaligini saqlab qoldi.

19 avgust
“Al-Ayn” (BAA) - “Al-Ittihod” (S.Arabistoni) 2:0
“Al-Hilol” (S.Arabistoni) - "Al Sadd” (Qatar) 1:0

Bugun yana ikkita uchrashuv o'tkaziladi:
“Vestern Sidney” (Avstraliya) – “Guanchjou Evergrand” (Xitoy)
“Poxan Stilerz” (Janubiy Koreya) – “Seul” (Janubiy Koreya)