OCHL. Bugun "Paxtakor" va "Bunyodkor" boshlaydi
24 fev 2015 08:00
Yangiliklar

OCHL. Bugun "Paxtakor" va "Bunyodkor" boshlaydi

Osiyo qitasining klublar o'rtasidagi eng nufuzli musobaqasi bo'lgan Osiyo chempionlar ligasi guruh bosqichi bugun start oladi.

Musobaqa tarixida ilk bor O'zbekistonning 4ta klubi guruh bosqichida ishtirok etadi. SHu bois endi har tur mamlakatimiz klublari ishtirokidagi 4tadan o'yinga guvohi bo'lamiz.

Bugun "Paxtakor" va "Bunyodkor" klublari o'yinlarini o'tkazishsa, ertaga "Nasaf" hamda "Lokomotiv" ilk turdagi uchrashuvlarda ishtirok etishadi.

O'zbekiston chempioni "Paxtakor" klubi o'z maydonida Eronning "Naft Tehron" klubiga qarshi o'ynaydi. Raqib jamoa ilk bor OCHLda ishtirok etmoqda. Ushbu bahs soat 16:30da "Paxtakor" stadionida boshlanadi.

OCHL pley-offida BAAning "Al Jazira" klubini mag'lub etgan "Bunyodkor" bugun Saudiya Arabistonida mahalliy "Al Nasr" klubi bilan hisob-kitob qiladi. Sergey Lushan shogirdlarining o'yini Toshkent vaqti bilan soat 22:20da start oladi.

Ikkala o'yin saytimiz orqali matnli translyaciya qilinadi. Bundan tashqari SPORT telekanali har ikkala bahsni jonli ravishda efirga uzatishni rejalashtirgan.

Havola :

Manba : championat.asia

Yangiliklarni Telegramda o'qing!

Reyting: