OCHL. Ahmedov va Jeparovning 1-turdagi statistikasi qanday?

SHu bilan bir qatorda ikki nafar legionerimiz o'z klublari safida maydonga tushishdi.

Eronning "Istiqlol" klubi safarda "Ar Rayyan" bilan 2:2 hisobida durang o'ynadi. Ushbu bahsda o'zbekistonlik Server Jeparov Tehron klubi safida to'liq o'ynadi.

Jeparov uchrashuv davomida 1ta zarba berdi va u aniq chiqdi. O'yinda hamyurtimiz 6 marta xavfli vaziyat sodir etgan to'p uzatishni amalga oshirdi. Bahsda Server 83 bor to'pga tegdi va sheriklari 66 marta pas oshirdi. Uning to'p uzatish aniqligi 87,9 foizni tashkil etdi.

Ikki bor Jeparov to'pni raqiblardan olib qo'yishga erishdi. Bir marta raqib futbolchisi Jeparovga nisbatan qoida buzgan bo'lsa, ikki marta uning o'zi qoida buzdi.

Xitoyning "SHanxay SIPG" klubi esa ilk turni Yaponiyada "Kavasaki Frontale"ga qarshi o'tkazib 1:0 hisobida zafar quchdi. O'yinda Odil Ahmedov to'liq harakat qildi.

Hamyurtimiz bir marta xavfli vaziyat sodir etilgan to'p uzatishni amalga oshirdi. U 63 marta to'pga tegdi va sheriklariga 56ta pas berdi. Uning to'p uzatish aniqligi 82,1 foizni tashkil qildi. Ahmedov bir bor raqibdan to'p olib qo'ydi. Odil uchrashuv davomida bir marta qoida buzdi.