"Obod" - "Qo'qon-1912" uchrashuviga oid malumotlar

"Obod" indinga, 10 mart kuni 2-tur doirasida "Qo'qon-1912" jamoasiga qarshi maydonga chiqadi. "Jar" stadionida bo'lib o'tadigan bellashuv 16:00da boshlanadi. Ertaga klublarning o'rinbosarlar tarkibi o'zaro hisob-kitob qiladi. Mazkur bellashuv ham 16:00da start oladi. O'yin "Obod" maydonida bo'lib o'tadi.

Aytish kerak, jamoalarning har ikkala tarkibi ham qanday rangdagi liboslarda to'p surishlari malum bo'ldi. Ertaga bo'lib o'tadigan o'rinbosarlar bahsida mehmonlarimiz ko'k, yoshlarimiz oq rangdagi liboslarda harakat qiladi. Asosiy tarkib azolari aksincha, "Qo'qon-1912" oq, "Obod" azolari ko'k rangdagi liboslarda to'p suradi.

Malumot o'rnida aytib o'tamiz, "Sport" telekanali "Jar" stadionida bo'lib o'tadigan "Obod" - "Qo'qon-1912" jamoalari o'rtasidagi uchrashuvni jonli efirda olib ko'rsatishni rejalashtirgan.