"Lokomotiv" OCHL-2018 uchun akkreditaciya jarayonini boshladi

Bilasiz, O'zbekiston chempioni va kubogi sohibi “Lokomotiv” klubi Osiyo CHempionlar Ligasi-2018 mavsumida “B” guruhida ishtirok etadi. “Lokomotiv”ning uy uchrashuvlarida o'yinoldi va o'yindan keyingi matbuot anjumanlari, media-tribuna, matbuot markazi, mikst-hudud hamda darvozalar ortiga (suratkashlar uchun) o'tib borish huquqini beradigan ruxsatnoma kartochkalarini olish uchun jurnalistlardan arizalar 10 yanvardan 25 yanvarga qadar qabul qilinadi.

Buning uchun ommaviy axborot vositalari xodimlari “Lokomotiv” PFK matbuot xizmatiga o'z tashkilotlari rahbari nomidan akkreditaciyadan o'tkazish uchun xat, 3x4 hajmdagi fotosurat, pasportdan nusxa taqdim etishlari so'raladi. Hujjatlar [email protected] elektron manzili orqali qabul qilinadi.

Qo'shimcha malumotlar uchun “Lokomotiv” PFK matbuot xizmatiga murojaat etishingiz mumkin.

Telefon: (+998 71) 286 24 12