No'mon Hasanov: “So'nggi daqiqalarda gol o'tkazish alamli, albatta”

- O'yin juda qiziqarli bo'ldi, - deya so'z boshladi “Paxtakor” jamoasi bosh murabbiyi. - Ammo so'nggi daqiqalarda gol o'tkazib yuborish alamli, albatta. Keyingi paytlarda jamoamiz azolari murakkab o'yinlarni o'tkazyapti. Osiyo CHempionlar ligasi uchrashuvidagi charchoqlar tarqamasdan turib, etakchi jamoalardan biri “Nasaf”ga qarshi o'ynashdi. Bugun Navoiyda yanada og'ir o'yin o'tkazdi. Yigitlarga qo'llaridan kelganicha harakat qilishdi. Ularga rahmat aytaman.

Uchrashuvning oxirgi daqiqalarida taktik o'zgarishlarni amalga oshirmoqchi edik. Afsuski, tarkibdagi o'zgarishlar hisobni ushlab qolishga yordam bera olmadi.
Navoiyda juda chiroyli futbol muhitida o'ynadik. Stadionda yaratilgan shart-sharoitlar, maydonning holati alo darajada. SHunday sharoitga munosib jamoa paydo bo'lganligidan xursand bo'ldim. Bugun “Qizilqum”ning mag'lubiyatdan qutulib qolishiga ko'proq muxlislar yordam qilishdi. Bejizga ishqibozlarni jamoaning o'n ikkinchi o'yinchisi, deb aytmasliklarining yana bir bor guvohi bo'ldik. Ular oxirgi daqiqalargacha jamoalarini qo'llab-quvvatlashdi.

Stanislav Andreev, Jamshid Iskanderov, Javohir Sohibovning o'rni bugun bilindi. Sohibov keyingi uchrashuvlardan boshlab tarkib qaytadi. Ammo Andreev hamda Iskanderovlarning jamoa safiga qo'shilishi uchun kamida ikki oy vaqt zarur, - deydi Hasanov.

“Qizilqum” PFK Matbuot xizmati.