No'mon Hasanov: “Paxtakor” yanada ko'proq gol urishi mumkin edi"

No'mon Hasanov: - Avvalambor, muxlislarimizga rahmat bizni tinimsiz qullab-quvvatlab turishgani uchun. Ulardan uzr suraymiz, bunday hisobda mag'lubiyatga uchramasligimiz kerak edi.

Himoyachilarimiz ko'p xatolarga yo'l qo'yishdi. Ayniqsa birinchi daqiqada juda qo'pol xato bo'ldi. “Paxtakor”dek jamoaga qarshi o'ynaganda bunday xatolar qilish mumkin emas edi. Bizda ham to'p kiritish uchun bir qator vaziyatlar bo'ldi. Lekin ulardan foydalana olmadik. Raqib yanada ko'proq gol urishi mumkin edi. "Paxtakor" oldingi o'yinlarga qaraganda ancha kuchaygani sezilib turibdi.

- Asadovni yaqqol hujumchi sifatida o'ynamayotgan edi. Bugun tarkib tanlashda adashdim degan fikr sizni qiynamayaptimi?
- Bizda hujumchi yo'q. Bilasiz Jasurbek Hakimov "Paxtakor"dan ijaraga olingan. Otaqo'ziev esa ikki kun oldin mashg'ulotlarni boshladi. Tarkib tanlashda adashmadim deb o'ylayman. Superligada biz bu jamoa bilan ikki marta durang o'ynagandik, aytayapmanku "Paxtakor"ning o'yini kuchayibdi. Barcha futbolchilarimiz yaxshi o'ynashdi. Birinchi daqiqada gol o'tkazib yuborganimiz ham bizga pand berdi. Keyin penaltidan hisobni tenglashtirdik. Lekin xatolarimiz evaziga mag'lub bo'ldik. Bu taqdir, taqdirga tan berish kerak. Masalan, G'iyos Komilov bo'sh darvozaga gol ura olmadi...

- "Paxtakor" bilan Superligadagi ikkala o'yinda ham himoyada yaxshi o'ynagandingiz. Bugun raqib boshqacha taktikada o'ynadii yoki sizning jamoaingizmi?
- Agar ikkinchi golni urganimizda umuman boshqacha o'yinga guvoh bo'lardik. Bu futbol unda nimalar bo'lishini oldindan aytib bo'lmaydi.

- Yil boshida tanishtiruv marosimida Drajen Dukich sizning yoningizda o'tirgan va himoyaga masul murabbiy deb aytgandingiz. Hozir u ko'rinmay qoldi...
- Dukich bilan sog'ligi bilan muammolar paydo bo'ldi. SHu bois uni vataniga ketishiga rozilik berdik.

- Jamoa ruhiy tushkunlikka tushib qolgandek ko'rinmoqda.
- Yo'q nega endi. Futbolchilarimga ishonaman. Yaxshi futbolchilarimiz bor. To'g'ri "Paxtakor" bilan solishtirib bo'lmaydi. Raqibning zaxira o'rindig'iga qarang... Yozgi transfer bozori vaqtida 3 nafar futbolchi kerakligini aytdim, o'xshamadi. Serbiyalik hujumchini jamoaga olib kelmoqchi edim, barchasi mablag'ga borib taqaldi.