No'mon Hasanov "Neftchi" - "Paxtakor" uchrashuvidan oldin: "Jamoalarning bu mavsumdagi o'yinlariga xulosa qilishga erta"

Tajribali murabbiy No'mon Hasanov "Neftchi" - "Paxtakor" bahsidan oldin jamoalarning holatiga to'xtalib o'tdi. 

"Neftchi" qo'rqmasdan, boshidan bosim qilib to'p tepsa yutadi. Chunki jamoa o'yinchilari va jamoaviy o'yin kuchliroq. Maslahatim, hisobda oldinga chiqib olgan jamoa o'sha bosimda va tempda o'ynashda davom etishi kerak. O'zining tempini yo'qotmasligi lozim. 

"Paxtakor" stabil o'yin ko'rsatmayapti. Jamoaga vaqt kerak. Futbolchilar bir-biri bilan hali kirishib ketmagandek ko'rinyapti. Bu yilgi o'yinlar to'g'risida xulosa chiqarishga hali erta. Menga jamoalarning o'tgan yilgi o'yinlari ko'proq yoqayotgan edi. Muxlislarga yoqadigan o'yin ko'rsatishayotgandi",- deydi No'mon Hasanov.