No'mon Hasanov: "Mavsumdagi eng yaxshi o'yinimni o'tkazdim"

"O'yinni ko'rdingiz, ancha chiroyli o'tdi. Birdamlikda qilingan harakat natijasida ikkita gol urib oldik. Natijada ikkinchi bo'limda raqibga nisbatan erkinroq harakat qila boshladik. "Paxtakor" bilan o'yinda ham shunday vaziyatlarga ega bo'lgan edik, ammo undan unumli foydala olmaganmiz. Bugun esa biz boshqacha o'yin ko'rsatdik", - deydi No'mon Hasanov. 

- Uchrashuvning so'nggi daqiqasida qizishib ketdingiz...

- O'sha vaziyatda futbolchilarni ajratgani borgandim. Ammo vaziyat asabiy tus olib ketdi, bu futbolda bo'ladigan narsa. 

- Bugungi o'yinda sizning "qo'lingiz" ko'rindi...

- "Andijon"ni "Paxtakor" va "Lokomotiv" bilan o'yinini yaxshilab o'rganib chiqdik. Ularning safida bo'ydor o'yinchilar ko'p edi, shuning uchun erdan pas o'ynash taktikasini amalga oshirdik va bu o'z samarasini berdi. 

- Serblar qanday kirishib ketishdi?

- Sekin asta kirishib borishyapti.

- "Paxtakor"ning sobiq murabbiyi sifatida Qo'qonga kirishib ketishingiz qiyin bo'lmayaptimi?

- U erdan ko'p narsani o'rgandim. "Paxtakor"da biroz osonroq, istagan paytingizda tayer futbolchi topishingiz mumkin. Menimcha hali bu erda bizdan yanada boshqacha va chiroyliroq o'yin ko'rishadi. Bunga harakat qilamiz. Bugun Qo'qondagi eng yaxshi o'yinim bo'ldi deb bemalol ayta olaman.