Nima uchun futbol o'yinlari aynan 90 daqiqa davom etadi?

Futbol sport sifatida Angliyada paydo bo'lgani sir emas. Lekin, hamma ham avval u qanday ko'rinishda bo'lganini bilmaydi. Dastlab, darvozani ikki ustuni bo'lgan (to'sin bo'magan) va mana shu ikki ustun orasidan istalgan balandlikda o'tgan to'p gol deya hisoblangan. 

Ikkinchidan, maydonda bir vaqtning o'zida 40 ta futbolchi harakat qilgan. Har bir klubda 20 tadan. Qizig'i shundaki, darvozabondan boshqa istalgan maydondagi o'yinchi ham maxsus qo'lqoplvr yordamida qo'l bilan o'ynashi mumkin bo'lgan. Eng asosiysi, futbol o'yinlari 890 daqiqa emas, 120 daqiqa davom etgan (2 ta bo'lim 60 daqiqadan).

Keyinchalik bu qoidalarga o'zgarish kiritildi va ikkita yangi assosiaciya tashkil topdi. Futbol Associyaciyasi va Regbi ittifoqi. Bo'lishiga sabab qoidalardagi noroziliklar bo'lgan va hozirda Regbi sport turida barcha qo'l bilan o'ynashi mumkin, futbolda esa faqat darvozabon. 

O'zgarishlar futbolning boshqa ananalariga ham tasir ko'rsatdi. Masalan, 1866 yili "SHeffild" va "London" klublari o'rtasidagi o'yin birinchi marotaba 90 daqiqa ichida yakunlandi. 1868 yilda maydondagi futbolchilar soni 11 ta bo'lishi kerakligi aytildi va darvozalarning to'sini bo'lishi lozimligi to'g'risida qaror qabul qilindi.

Nima uchun o'yin vaqtlari qisqartirildi?

Birinchidan, o'yinchilarning jismoniy holati. Ular o'yin boshida bo'lgani kabi o'yin so'ngida o'z darajalarida o'ynay olishmadi va charchoq alomatlari bunga halal berdi. Ikkinchi sabab esa, ikkinchi bo'limda tomoshabinlarning etiborsizligi, zerikish bo'lgan. qilindi. 90 daqiqalik futbol bahslari bu muammoni bartaraf etdi. 

Lekin, shunday bo'lsa ham avvalgi futbol qoidalari saqlanib qolganini ko'rishshimiz mumkin. Katta musobaqalarning pley-off o'yinlarida g'olib aniqlanmasa, 15 daqiqalik ikkita ekstra-taym o'ynaladi.