Nikola Berti: "Inter" uchun qayg'urmasangiz ham bo'ladi. Biz kuchli uchlikda qolamiz"

— Aslini olganda, vaziyat unchalik ham yomon emas. Jamoamiz kuchli, uning o'ziga xos o'yin uslubi bor. To'g'ri, klub oxirgi paytlarda g'alaba qozona olmayati. Bundan muxlislar ham tushkunlikka tushib qoldi. Lekin hech qanday tashvishga hojat yo'q.

— Demak, jamoa CHempionlar Ligasida ishtirok etishi mumkinligi borasida hech qanday qo'rquv yo'q. "Milan" uchinchi pog'onani egallay oladimi?

— Ha, tez orada bo'lib o'tadigan bronza medali uchun kurashda Milanning ikki klubi o'rtasidagi bahsni tomosha qilishingiz mumkin. Qiziqarli o'yin bo'ladi deb umid qilaman. Bir narsaga shubha yo'q: "Inter" uchinchi o'rinni egallaydi, "Rossonerilar" esa 4-pog'onada qoladi.

— Sobiq jamoangiz quyi pog'onalarga tushib ketayotganini sezish qiyinmas. Nima deb o'ylaysiz, bunga sabab nima?

— Biz klub kiyinish xonasida nima bo'layotganini bilmaymiz. Ammo vahima ko'tarishga sabab yo'q deb o'ylayman. Aksincha, quvonchli paytlar ko'proq nazarimda.

— Yani? Bunga misol keltira olasizmi?

— Masalan, Perishich bilan bog'liq vaziyat: hamma u klubdan ketadi deb o'ylagandi. Lekin u nafaqat "Inter"da qoldi, balki "Bolonya"ga qarshi bahsda eng yaxshi o'yinchilardan biri bo'ldi. U jamoaning ajralmas bir qismi va klubga foyda keltirish niyatida ekanini isbotlay oldi. "Lacio" bilan bo'lgan uchrashuvda esa u natija uchun qayg'urayotganini sezish qiyinmasdi. Umid qilamanki, u futbolchilarni qanday ko'llab-quvvatlaganini hamma ko'rgan va sezgan.

— Ammo "Inter" ishqibozlari sizchalik yaxshi kayfiyatda emas.

— Muxlislarimiz hamma narsani yuragiga yaqin oladi, bazida esa haddan tashqari. Jamoamiz ularning ko'z o'ngida yana o'z holiga qaytishiga ishonaman.

Nozima Zaripova tarjimasi